Barg (Stood)

Vun Wikipedia
Wapen/Flagg Koort
Wapen unbekannt
Barg
Laag vun Barg in Düütschland
Basisdaten
Bundsland: Neddersassen
Landkreis: Stood
Gemeen: Stood
Inwahners:
Postleettall: 21680
Vörwahl: 04141
Geograafsche Laag:
Koordinaten:53° 35′ N, 9° 28′ O
53° 35′ N, 9° 28′ O

Karte

Barg (hoochdüütsch Barge) is en Dörp in de Gemeen Stood in’n Landkreis Stood, Neddersassen.

Geografie[ännern | Bornkood ännern]

Barg liggt op de Geest an’n Rand von de Maschen langs de Swing, de in’n Westen bi Groot Thun langsflütt. In’n Süden liggt de Barger Heid.

De Naveröörd sünd Stood in’n Noorden, Riensföör in’n Oosten, Hagen in’n Süden un Groot Thun in’n Westen.

Historie[ännern | Bornkood ännern]

In de Oorkunnen kummt de Naam toeerst 1337 vör.

Bet in dat 18. Johrhunnert harr Barg man een Buurhoff, twee Katen un een Möhl. Later is de Inwahnertall denn wussen. Bi Barg hebbt se denn von 1934 af an den Flegerhorst Stood boot. Dat weer denn ok de Grund, dat Barg an’n 15. August 1935 Deel von de Gemeen Stood worrn is.

Vondaag is de Stadt Stood bet direkt an Barg ranwussen, hett den Oort aver noch nich sluukt.

Inwahnertall[ännern | Bornkood ännern]

Johr Inwahners
1824-00-001824[1] 6 Füürsteden
1848-00-001848[2] 41 Lüüd, 6 Hüüs
1871-12-011. Dezember 1871[3] 38 Lüüd, 5 Hüüs
1910-12-011. Dezember 1910[4] 114
1925-00-001925[5] 141

Religion[ännern | Bornkood ännern]

Barg is evangeelsch-luthersch präägt un höört bi dat Kaspel von de Johannis-Kark. Bevör de Johannis-Kark 1956 trech worrn is, hett de Oort to dat Kaspel von de Wilhadi-Kark in de Binnenstadt von Stood höört.

Kultur[ännern | Bornkood ännern]

Verenen[ännern | Bornkood ännern]

De Kameradschop Stood-Barg as Krieger- un Schützenvereen in een is 1885 grünnt worrn.

Infrastruktur[ännern | Bornkood ännern]

Verkehr[ännern | Bornkood ännern]

Barg liggt an’n Barger Weg, de in’n Noordwesten na Stood rinlöppt un an de Bundsstraat 73 ran. In’n Oosten löppt de Barger Weg na Riensföör an de Landsstraat 124. Ans gifft dat noch en lüttjere Straat na Süden, över den een ünner annern na Groot Thun kamen kann.

De nächste Bahnhoff is de in Stood an de Nedderelvbahn, de so bi 3,5 Kilometer weg is.

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 38: http://books.google.de/books?id=tG0AAAAAcAAJ&pg=PA38
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 139: http://books.google.de/books?id=eOI-AAAAcAAJ&pg=PA139
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 141: https://books.google.de/books?id=qTZDAQAAMAAJ&pg=RA2-PA141
  4. http://www.gemeindeverzeichnis.de/gem1900/gem1900.htm?hannover/stade.htm
  5. http://www.verwaltungsgeschichte.de/stade.html