Bad Fambossel

Vun Wikipedia
Wesseln na: Navigatschoon, Söök
Wapen/Flagg Koort
Wapen vun Bad Fambossel
Bad Fambossel
Laag vun Bad Fambossel in Düütschland
Basisdaten
Bundsland: Neddersassen
Landkreis: Heidkreis
Flach: 63,15 km²
Inwahners: 11.485 (31. Dezember 2009)
Inwahnerdicht: 181,9 Inwahners pro km²
Hööchd: 67 m över de See
Postleettall: 29683
Vörwahl: 05162, 05163
Geograafsche Laag:
Koordinaten:52° 52′ N, 9° 42′ O
52° 52′ N, 9° 42′ O
Gemeenslötel: 03 3 58 008
Öörd in de Gemeen: 6
Börgermeester: Rainer Schmuck
Websteed: www.badfallingbostel.de
Koort

Bad Fambossel is en Eenheitsgemeen un de Kreisstadt vun’n Landkreis Heidkreis in Neddersassen. Al siet 1976 is de Stadt en staatlich acht Kneipp-Heelbad. Siet den 5. August 2002 driggt se in ehrn Naam de Beteken Bad.

Geologie[ännern | Bornkood ännern]

En Översicht över de Geologie un Entstahn vun dat Rebeet vun’n helen Landkreis is in den Artikel Landkreis Heidkreis beschreven un kann dor naleest waarn.

Geografie[ännern | Bornkood ännern]

Bad Fambossel liggt in de süüdlichen Lüünborger Heid an den Stroom Böhme. An dat Rebeet grenzt de Eenheitsgemenen Soltau in’n Noorden, Bomlitz in’n Westen, Walsrood in’n Süüdwesten as ok, in’n Oosten, de gemeenfre’e Bezirk Oosterheid.

Dicht bi’n Oort gifft dat en groten Truppenübungsplatz (Bergen) vun de Bundswehr oder vun de NATO, as ok Kasernen vun de Strietmacht vun’n Vereenigte Königriek, ünner annern mit dat Royal Regiment of Scotland.

Historie[ännern | Bornkood ännern]

Fambossel is in’t Johr 993 to’n eersten mol as Vastulingeburstalle nöömt worrn un is dormit öller as dusend Johr. To de Tiet hett Otto III. de Grenzen twüschen de Bisdömer Hilmessen un Minnen fastleggt.

Bi ut’n 1300 is de Vogtei Fambossel inricht worrn, de bit in’t 19. Johrhunnert betshan bleev, later aver Amt Fambiossel nöömt weer. Vun Heinrich vun Quintus-Icilius, den Assesser vun de Vogtei, is 1838 de Fambosseler Spoorkaas as een vun de eersten Spoorkassen vun’t Königriek Hannober op’t Land grünnt worrn. In’t Johr 1866 sünd in de preußschen Provinz Hannober Landkreisen billt worrn. Dorünner weer ok de Landkreis Fambossel. An’n 1. April 1949 kreeg Fambossel Stadtrechten.

De sülvststännigen Gemenen ümto sünd 1974 in’n Rahmen vun en Rebeetsreform ingemeent worrn, dree Johren later, 1977, weern denn noch de Landkreisen Fambossel un Soltau to’n Landkreis Soltau-Fambossel (vondaag Landkreis Heidkreis). Fambossel is dorbi aver Sitt vun Landkreis bleven.

För dat Johr 2011 is en Fusion vun Bad Fambossel mit de Stadt Walsrood un de Gemeen Bomlitz to de Stadt Böhmedaal plaant. Dorto hett dat an’n 2. November 2008 in Bad Fambossel en Börgerbefragen geven, bi de de Plaan mit en düütliche Mehrheit aflehnt worrn is. Knapp 80 % weern dorgegen bi en Bedeeligen vun 62 %.[1] In Walsrood un Bomlitz is de Fusion mit knappe Mehrheiten goodheten worrn (56,4 % i Bomlitz un 53,8 % in Walsrood).

Politik[ännern | Bornkood ännern]

Oortsdelen[ännern | Bornkood ännern]

De Stadt un Eenheitsgemeen Bad Fambossel besteiht ut söss Oortdeelen:

Stadtdeelen[ännern | Bornkood ännern]

De Karnstadt vun Bad Fambossel sett sik wieter de folgen Stadtdeelen tohopen: In’n Noorden leegt Adolphsheid, Grote Heid, Lehmhorst un Klint, in’n Oosten Böver- un Ünner-Gröönhagen, in’n Süüden An’n Wienbarg un de Gewarfsrebeden An de Autobahn, Pröhlsfeld, Oerbker Barg un Oost un in’n Westen opletzt Idingen un An’n Wiethoop.

Stadtraat[ännern | Bornkood ännern]

De Stadtraat besteiht ut tohopen dörtig Raatsliddmaten. De Sitten verdeelt sik aktuell as folgt:

Partei 2011 2006 2001
CDU 9 14 14
SPD 9 12 13
Bündnis 90/De Grönen 3 1 1
FDP 2 2
Lux 1
BLBF 4
WLBF 1

Börgermeester[ännern | Bornkood ännern]

Börgermeester vun Bad Fambossel is Rainer Schmuck, de an sik Liddmaat vun de CDU is, för dat Amt aver parteilos kandideeren de.

Städerpartnerschoppen[ännern | Bornkood ännern]

In’t Johr 1963 hett Fambossel de Paatschop för de Stadt Miastko (fröher Rummelsburg) in Pommern övernahmen. All twee Johren finnt in Bad Fambossel de Heimatkreisdrapens vun’n Landkreis Rummelsburg i. Pom. statt. Mit de Stadt Miastko pleegt Bad Fambossel vundaag en Städerpertnerschop. En wietere Partnerschop besteiht mit de franzööschen Stadt Périers (Basse-Normandie).

Religion[ännern | Bornkood ännern]

De gröttste Deel vun de konfesschonell bunnen christlichen Inwahners höört to de evangeelsch-lutheerschen Kark. Dat gifft in’t Stadtrebeet twee Karkengemenen: Een is de Karkengemeen Fambossel mit de St.-Dionysius-Kark un de Fredenskark in Bommelsen, Gemeen Bomlitz. De annere is de Karkengemeen Derpmark mit de St.-Martins-Kark. Beid höört to’n Karkenkreis Walsrood.

De röömsch-katholischen Christen vun Bad Fambossel höört to de Parrgemeen Sankt Maria vun’n hilligen Rosenkrans, de 2004 nee grünnt worrn is. Dorbi sünd de bit dorhen egenstännigen Karkengemenen St. Maria in Bad Fambossel, St. Maria in Walsrood, Hillig-Geist in Bomlitz-Benefeld as ok Hart-Jesu in Visselhöövd to een Gemeen tosamenleggt worrn. Se höört to dat Dekanat Veern in’t Bisdom Hilmessen.

Butendem gifft dat in Bad Fambossel Glovenshüüs vun de Söövten-Dags-Adventisten un vun de Neeapostoolschen Kark.

Kultur un Bowarken[ännern | Bornkood ännern]

Hoff vun de Heidmark in en oolt Hallenhuus

In Bad Fambossel finnt en archäoloogsche Steden to’n Ankieken: In de Stadt befinnt sik dat Museum vun de Archäoloogschen Arbeitsgemeenschop e.V., dat een besichtigen kann. In’n Megalithenpark Oosterbarg sünd grote Stenen utstellt, de wiel de Iestiet mit de Iesmassen ut Skandinavien in dat Rebeet üm Bad Fambossel transporteert worrn sünd. In de glieke Richt gaht ok de Söven Steenhüüs, bi de sik dat üm grote Steengräver hannelt, de ruchweg 5.000 Johren oolt sünd. De sünd dicht bi’n Truppenübungsplatz Bergen (in de Neeg vun Oostenholt) to finnen. En Graffanlaag ut de Bronzetiet is butendem bi’n Oortsdeel Vier to sehn.

Dat Böhmedaal in de Lieth

Wietere intressante Öörd to’n besöken un ankeiekn sünd:

  • de Kurpark mit de Bootstatschoon an de Böhme
  • de Hof vun de Heidmark mit Rummelsburger Heimatstuuv as Hallenhuus in’n Liethwoold
  • de evangeelsche St.-Dionysius-Kark in de Stadtmitt
  • dat Quintus-Denkmol an de St. Dionysius-Kark
  • de evangeelsche St.-Martins-Kark in Derpmark
  • de Dörpsborn in Derpmark
  • dat Hermann-Löns-Graff in’n Tietlinger Machandelhain
  • dat Graff vun Erich vun Manstein in Derpmark
  • de „Lieth“, en naturnegen Bökenmischwoold op middelbargsglieken Anbargen an’t Över vun de Böhme, de sik hier bannig slängelt. Ut de bit to veertig Meter hogen Anbargen sickert eenige Borns- De Wannerweg na Vier dör de Lieth föhrt dör de Wulfsslucht un an ordenrieke Wischen vörbi. Op en Plateau baven de Slucht steiht dat „Freudenthal-Denkmol“ to Ehren vun de Dichters Friedrich un August Freudenthal.

Infrastruktur[ännern | Bornkood ännern]

Weertschop[ännern | Bornkood ännern]

De gröttsten Arbeitgever in de Stadt sünd Kraft Foods un de Eckes AG. De Standoort warrt wieter för de Logistik vun de Firmen Michelin, Edeka un Power Logistics nütt.

Verkehr[ännern | Bornkood ännern]

Bad Fambossel hett twee Bahnhöff (Bad Fambossel un Derpmark) an de Heidbahn, de vun Hannober na Soltau verlöpt un 1896 anslaten weer.

För den Stratenverkehr is vör allen de Bundsautobahn 7 wichtig. Bad Fambossel liggt twüschen dat Dreeeck Walsrood un dat Maschener Krüüz un hett twee Anslussteden. Vun de Anslusssteed Bad Fambossel verlöpt de B 209 na Walsrood in’n Westen. De annere Anslusssteed is Derpmark, vun wo de B 440 över Bommelsen wieter na Visselhöövd in’n Landkreis Rodenborg (Wümm) föhrt. Mehr oder minner parallel to de Autobahn verlöpt de L 163, de Bad Fambossel mit Soltau verbinnt.

Beropen Lüüd ut Fambossel[ännern | Bornkood ännern]

Heinrich-vun-Quintus-Icilius-Denkmol vör de St. Dionysius-Kark

Söhns un Döchter vun de Stadt[ännern | Bornkood ännern]

Lüüd, de vör Oort wirkt hebbt[ännern | Bornkood ännern]

Literatur[ännern | Bornkood ännern]

  • Wolfgang Brandes: Chronik Fallingbostel : 1930 - 1995. Stadt Fallingbostel, Fallingbostel, 1996.
  • Gernot Erler, Lothar Klimek: Soltau-Fallingbostel : neue Einblicke in eine alte Kulturlandschaft der Lüneburger Heide. Gronemann, Walsrood, 1995. ISBN 3-00-000174-3
  • Wilhelm Westermann: Orts-Chronik von Fallingbostel. Geiger, Horb am Neckar, 1987. ISBN 3-89264-079-3
  • Urs Hochsprung: Fallingbostel im Wandel der Zeit. Geiger, Horb am Neckar, 1986. ISBN 3-924932-65-4
  • Martina Neumann: 135 Jahre Sportgeschichte im Landkreis Soltau-Fallingbostel. Kreissportbund Soltau-Fambossel, Fambossel, 1996.

Borns[ännern | Bornkood ännern]

  1. Resultat vun de Börgerbefragen in Bad Fambossel/

Weblenken[ännern | Bornkood ännern]

Commons-logo.svg Bad Fambossel. Mehr Biller, Videos oder Audiodateien to’t Thema gifft dat bi Wikimedia Commons.