Backboord

Vun Wikipedia
Wesseln na: Navigatschoon, Söök
Motorschipp mit Positschoonsluchten, (in Fohrtrichtung) rechts Stüerboord gröön, Backboord root, in de Midden dat Damperlucht för en ünner Motor fohrend Fohrtüüg ünner 100 m Längt

Backboord betekend, van’t Heck to’n Bug kiekend, de linke Siet vun en Waterfohrtüüch, Luft- oder Ruumfohrtüüch. De anner Siet wurrd mit Stüerboord betekend.

De Boote vun de Wikinger harrn en Stüerinrichten (en langen Reem mit de Funktschoon vun en Ruder, de gelenkig mit de Bordwand verbunnen weer, de an de rechte Bord, dem Stüerboord, anordnet weer.

De Faarv vun dat Backboord-Positschoonslucht is bi Water- un Luftfohrtüüch root.

Wenn en Schipp vun See ut in en Fohrwater infohrt, denn is de Backboord-Siet vun dat Schipp ok up de Backboordsiet vun dat Fohrwater. Dat is je nah Lateralsystem mit root (IALA-A) oder gröön (IALA-B) Tünnen kenntekend, de as Toppteken en Zylinder föhren. Backboordtünnen sünd mit geraden Tallen nummereert.