Börgerschup vun Bremen (Parlament)

Vun Wikipedia

Dat Huus vun de Börgerschup

De Börgerschup vun Bremen (Parlament) ist dat Parlament vun dat Bundsland Bremen. De Börgerschup is in dat Huus vun de Börgerschup an'n Marktplatz to Bremen tohuse. Dor höört 67 Liddmaten ut de Stadt Bremen un 16 ut de Stadt Bremerhoben to. Hüdigendags is Christian Weber Präsident vun de Börgerschup. He is an’n 7.Juli 1999 dorto wählt wurrn.

[Ännern] Wahl

De Börgerschup vun Bremen warrt all veer Jahren in unmiddelbare, free, glieke un geheme Wahlen wählt. Dorbi gellt de Grundsätz vun de Verhältniswahl. Dat Land is updeelt in de Wahlbezirken Bremen un Bremerhaben. In beide Bezirken gellt je för sik de 5% Utnahm: Bloß Parteien, de öber 5 % vun de Wählerstimmen kriegt, dröövt in de Börgerschup intrecken.

[Ännern] Bremen

In Bremen weert 67 vun de 83 Afordenten wählt. Bit 2003 geev dat in de Börgerschup 100 Afordenten, man denn hefft sik de Bremers seggt, de ganze Saak is to düür, un nu gifft dat bloß noch 83. De Börgerschup ehr Liddmaten ut de Stadt Bremen höört to glieke Tiet to de Stadtbörgerschup vun Bremen hento.

[Ännern] Bremerhaben

De annern 16 Liddmaten vun de Börgerschup weert in Bremerhaben wählt. För dat Kommunale Parlament in düsse Stadt gifft dat noch mal een anner Wahl. Dor weert denn 48 Liddmaten för de Stadtverordentenversammeln wählt.

[Ännern] Bisitters in de Bremer Stadtdelen

In de Bremer Stadtdelen gifft dat noch mal sowat as lüttje Börgerschuppen, dat sünd de Bisitterversammeln (Stadtteilbeiräte). De dröövt een beten wat in de Politik vun de Stadtdelen muddeln, man richtig veel to seggen hefft se nich. Vun 1991 af an weert de Liddmaten vun de Bisitterversammeln bi de Wahlen to de Börgerschup extra wählt. Vördem weer dat so, dat de eenfach updeelt wurrn sünd, just nah dat, wat bi de Wahl to de Börgerschup in den Stadtdeel rutkamen is.

[Ännern] Wer draff wählen?

Jeden Börger vun Bremen draff sik wählen laten un ok wählen, wenn he man tominnsten 18 Jahr oolt is, siet tominnst dree Monaten in Bremen wohnen deit un een düütschen Staatsbörger is.

[Ännern] Wat bi de Wahlen rutkamen is

[Ännern] Wat fröher bi Wahlen rutkamen is

1. Wahlperiode (1946–1947)
2. Wahlperiode (1947–1951)
3. Wahlperiode (1951–1955)
4. Wahlperiode (1955–1959)
5. Wahlperiode (1959–1963)
6. Wahlperiode (1963–1967)
7. Wahlperiode (1967–1971)
8. Wahlperiode (1971–1975)
9. Wahlperiode (1975–1979)
10. Wahlperiode (1979–1983)
11. Wahlperiode (1983–1987)
12. Wahlperiode (1987–1991)
13. Wahlperiode (1991–1995)
14. Wahlperiode (1995–1999)
15. Wahlperiode (1999–2003)
16. Wahlperiode (2003–2007)
17. Wahlperiode (2007–2011)

[Ännern] Wat bi de leste Wahl rutkamen is

Bi de Wahl an'n 13. Mai 2007 is de SPD de stärkste Partei wurrn. De grote Koalitschoon güng to Enne. De SPD is tohopen mit Bündnis 90/De Grönen in ene Rot-Gröne Koalitschoon intreden.