Azurit

Vun Wikipedia
Wesseln na: Navigatschoon, Söök
Azurit
Azurite cristallisée (Chine) 3.jpg
Azurit-Kristall.
Cheemsch
Tohopensetten
Cu3(CO3)2(OH)2
Mineralklass waterfree Carbonat mit frömme Anionen
5.BA.05 (na Strunz)
16a.02.01.01 (na Dana)
Kristallsystem monoklin
Klöör Azurblau, deepblau
Streekklöör blau bit hellblau
Mohshard 3,5 bit 4
Dicht (g/cm³) 3,8
Gleem Glas- bit Fettgleem
Transparenz dörsichtig bit
undörsichtig
Brook musselig
Splitten goot bit vullkommen
Indruck prismaatsch, stengelig
un tafelige Kristallen, neerige
oder pulverige Aggregaten, Kösten
faken Kristallflachen
Tweeschenbilden
Kristalloptik
Breektall nα = 1,730 ; nβ = 1,758 ; nγ = 1,838 [1]
Dubbelbreken
(optisch Utrichten)
δ = 0,108 [1] ; tweeassig positiv
Pleochroismus düütlich hell-düsterblau
Winkel/Dispersion
vun de optischen Assen
2vz ~ utrekent: 64°
meten: 68°
annere Egenschoppen
Phaaswesseln
Smöltpunkt
cheemsch Verhollen lööst sik licht in verdünnte Soltsüür
ünner Afgaav vun CO2
lieke Mineralen Dumortierit, Malachit, Lapislazuli
Radioaktivität
Magnetismus
sünnerlich Kennteken

Azurit (ok Bargblau, Chessylit oder Kopperlasur) is en Mineral ut de Mineralklass vun de Carbonaten, dat faken vörkummt. Azurit kristalliseert in’t monokline Kristallsystem mit de cheemschen Tosamensetten Cu3(CO3)2(OH)2 un is tomeist in Form vun lütte prismaatsche, kortsüülige oder tafelige Kristallen antofinnen, de in’n Steen inbett sünd. Dat Mineral kummt aver ok in neerige oder pulverige Aggregaten vör un wiest en deepblaue Klöör op. De Streekklöör is twüschen hellblau un blau.

Naam un Historie[ännern | Bornkood ännern]

Azurit is as Mineral al mehr as 4500 Johren bekannt. To de Afkumst vun den Naam kiek ünner Azurblau. De Ägypters hebbt dat Mineral-Pulver för de Wandmaleree un to’n Sminken vun de Ogen bruukt. Ok in de Wandmalereen vun de Maya vun Bonampak is Azurit nawiest worrn[2].

Den Naam Azurit hett dat Mineral 1824 vun den franzööschen Mineraloog François Beudant kregen in Anlehnen an de Klöör.

Kristallstruktur[ännern | Bornkood ännern]

Azurit kristalliseert monoklin in der Ruumgruppe P21/c mit de Gidderparameters a = 5,00 Å; b = 5,85 Å; c = 10,35 Å un β = 92,3° un 2 Formeleenheiten op een Elementarzell.[3]

Entstahn un Vörkamen[ännern | Bornkood ännern]

Azurit mit düttlich Verweddern na Malachit (gröön)

Dat Mineral Azurit is en Sekundärmineral, dat dör cheemsch Verweddern ut Chalkopyrit, annere Koppersulfiden oder Kopper-Ierzen entsteiht. Dör’t Opnehmen vun Water wannelt sik Azurit butendem üm in den grönen Malachit un is dorüm faken dormit verwassen antodrapen. Ok Pseudomorphosen vun Malachit na Azurit sünd bekannt. Faken is Azurit ok Bestanddeel vun Kopperpechierz un kummt afhangig vun’n Fundoort in Paragenees mit verschedene Mineralen as to’n Bispeel Antlerit, Brochantit, Calcit, Chrysokoll, Cerussit, Cuprit, Dolomit un Smithsonit vör.

In’t Öllerdom weern Armenien, Zypern un Spanien (Andalusien) de Öörd, wo an’n meisten Azurit to kriegen weer. Bit Mitt vun’t 17. Johrhunnert weer Ungarn de wichtigste Born für Azurit in Europa. Annere Borns weern Chessy bi Lyon, Mechernich in de Eifel un de Gruven bi Alghero op Sardinien. Mit dat Utfinnen vun „Pruss’schblau“ Anfang vun’t 18. Johrhunnert hett dat Mineral aver an Bedüden as Pigment verloren. Weltwiet weer Azurit bit in’t Johr 2010 an ruchweg 3900 Fundöört nawiest[4].

Bruuk[ännern | Bornkood ännern]

Streekklöör vun Azurit
Hööftartikel: Azurblau

En grote weertschopplich Bedüden hett Azurit nich. As Smucksteen un Farvpigment lett sik dat Mineral aver bit in olle Ägypten nawiesen. Wegen sien deepblaue Klöör un sien dormols bannig hogen Pries weer Azurit sünners in Kunstwarken in midderöllerliche Handschriften insett.

Imitatschonen[ännern | Bornkood ännern]

Azurit un Malachit as Smucksteen

Wegen sien go’e Splittborkeit un Sprockheit is Azurit as Smucksteen to week un fienföhlig. Dorüm warrt he faken mit Kunststoff stabiliseert, wat bito ok noch den Gleem verstarken deit. Dat gifft ok Rekonstrukschonen ut Azurit- un Malachitpulver, de as Resten bi’t Verarbeiden anfallt, sünners ok üm dat Verwassen vun de beiden Mineralen natomaken.

Esoterik[ännern | Bornkood ännern]

In de Esoterik gellt Azurit de Steen vun’t Künnigwarrn un vun’t geistige Wassdom. De Steen schall dat Kunzentratschoonsvermögen un dat geistige Opnehmen ünnerstütten, en positiven Influss op dat zentrale Nervensystem nehmen un dat Wohrnehmen över de Sinnen anstöten. Butendem warrt seggt, dat dat Mineral de Funkschoon vun de Schilddrüsen anregen un den Organismus entgiften deit. Ok schall dat den Lief na Operatschonen oder Krankheiten ünnerstpütten, wedder to Knööv to kamen. Wetenschoppliche Nawiesen gifft dat för de esoterischen Wirkungen aver nich.

Literatur[ännern | Bornkood ännern]

  • Petr Korbel, Milan Novak:Mineralien Enzyklopädie, Nebel Verlag, Utting an’n Ammersee 2002, ISBN 3-89555-076-0.
  • Bernhard Bruder:Geschönte Steine, Neue Erde Verlag, Saarbrücken 1998, ISBN 3-89060-025-5.
  • Walter Schumann: Edelsteine und Schmucksteine, BLV Verlag, München 1989, ISBN 3-405-12488-3.

Borns[ännern | Bornkood ännern]

  1. 1,0 1,1 Mindat - Azurite (engelsch)
  2. Kremer Pigmenten - Azurit (Bargblau, basisch Koppercarbonat blau, Pigment Blue 30)
  3. Hugo Strunz & Ernest H. Nickel: Strunz Mineralogical Tables, 9. Oplaag, 2001, E. Schweizerbart’sche Verlagsbuchhandlung (Nägele u. Obermiller), Stuttgart, ISBN= 3-510-65188-X
  4. Mindat - Localities for Azurite

Weblenken[ännern | Bornkood ännern]

Commons-logo.svg Azurit. Mehr Biller, Videos oder Audiodateien to’t Thema gifft dat bi Wikimedia Commons.