Ax

Vun Wikipedia
Wesseln na: Navigatschoon, Söök
Wapen/Flagg Koort
Wapen vun Ax
Ax
Laag vun Ax in Düütschland
Basisdaten
Bundsland: Neddersassen
Landkreis: Oosterholt
Samtgemeen: Hambargen
Flach: 10,7 km²
Inwahners: 1.114 (2010-12-3131. Dezember 2010)
Inwahnerdicht: 104,1 Inwahners pro km²
Hööchd: 15 m över de See
Postleettall: 27729
Vörwahl: 04748
Geograafsche Laag:
Koordinaten:53° 21′ N, 8° 46′ O
53° 21′ N, 8° 46′ O
Gemeenslötel: 03 3 52 020
Öörd in de Gemeen: 2
Börgermeester: Udo Mester (SPD)
Websteed: www.hambergen.de
Bremen Bremen Landkreis Cuxhoben Landkreis Ollnborg Landkreis Rodenborg Landkreis Veern Landkreis Wersermasch Ax Grasbarg Hambargen Holste Leendaal Lübbst Oosterholt-Scharmbeek Hu’e (Landkreis Oosterholt) Swonewebel Worpsweed Vollerso
Laag von de Gemeen Ax in’n Landkreis Oosterholt (Koort lett sik anklicken)

Ax (hoochdüütsch Axstedt) is en Dörp un Gemeen in de Samtgemeen Hambargen in’n Landkreis Oosterholt, Neddersassen mit 1114 Inwahners. To de Gemeen höört ok de Oort Wohlthöben mit to.

Geografie[ännern | Bornkood ännern]

Ax liggt ganz in’n Noorden von’n Landkreis Oosterholt an de Grenz na’n Landkreis Cuxhoben op de Geest (Wersermünner Geest). Dör de Gemeen flütt de Billerbeek, de later in de Luun afflütt.

De Naveröörd sünd Bokel in’n Noorden, Bruunshusen un Ollendörp in’n Noordoosten, Lübbs in’n Süüdoosten, Wohlthöben un Ohlenst-Biloh in’n Süden, Harrendörp in’n Westen un Loh in’n Noordwesten.

De Navergemenen sünd Holste in’n Oosten un Lübbs in’n Süüdoosten. In’n Landkreis Cuxhoben sünd dat de Gemeen Braamst in’n Westen un Noorden un op en lütt Enn in’n Noordoosten de Gemeen Beverst.

Historie[ännern | Bornkood ännern]

An Funnen ut de Vörgeschicht gifft dat de Hünensteen von Ax, de in’n Noordwesten von dat Dörp liggen doot.

Ax kummt 1105 as Achenstedi dat eerste Maal in de Oorkunnen vör.

Vör 1885 hett Ax to dat Amt Hagen tohöört. 1885 is dat Deel von’n Kreis Geestmünn worrn un hett na 1932 to’n Kreis Wersermünn tohöört.

In de Midd von dat 20. Johrhunnert is denn ok de vörher egenstännige Gemeen Wohlthöben Deel von de Gemeen Ax worrn.

An’n 1. März 1974 is Ax bi de Gemeenreform in Neddersassen von’n Landkreis Wersermünn to’n Landkreis Oosterholt wesselt un dor denn Deel von de Samtgemeen Hambargen worrn.

In de Johren 1930 hebbt se de 520 Hektar grote Muna Lübbs twüschen Ax, Lübbs un Biloh boot, dat denn na’n Krieg ok noch wieder bedreven worrn is. Dör de Anlaag is dat Dörp denn ok düchtig wussen.

Inwahnertall[ännern | Bornkood ännern]

Johr Inwahners
1824-00-00 1824[1] 37 Füürsteden
1848-00-00 1848[2] 240 Lüüd. 42 Hüüs
1910-12-011. Dezember 1910[3] 257
1925-00-00 1925[4] 338
1933-00-00 1933[4] 354
1939-00-00 1939[4] 398
2010-12-3131. Dezember 2010 1.114

Religion[ännern | Bornkood ännern]

Ax is evangeelsch präägt un höört to dat Kaspel von de Jacobikark in Braamst.

Wapen[ännern | Bornkood ännern]

Dat Wapen wiest op grönen Grund de twee Höörn von en Hartbuck in Sülver, dor en gollen Ekenbladd mang un ünnen en sülvern Wellenbalken. De Wellenbalken steiht för de Billerbeek un dat Ekenbladd för den Forst bi Ax.

Politik[ännern | Bornkood ännern]

Gemeenraat[ännern | Bornkood ännern]

CDU SPD UKA
2011 5 5 1

(Stand: Kommunalwahl vun’n 11. September 2011)

Börgermeesters[ännern | Bornkood ännern]

Zeit Börgermeester Partei
-2011 Jürgen Rhau CDU
2011- Udo Mester SPD

Kultur[ännern | Bornkood ännern]

Verenen[ännern | Bornkood ännern]

De Freewillige Füürwehr Ax is 1902 grünnt worrn un de Schützenvereen 1952.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Ax liggt an de Kreisstraat 38, de in’n Noordwesten na Loh un dor in’n Landkreis Cuxhoben as K 43 wieder na Loherholt an de Landsstraat 134 ran löppt. In’n Süden geiht de K 38 bi Wohlthöben an de K 39 ran, de denn wedder in’n Oosten bi Lübbs an de L 128 löppt un in’n Westen na Albst. De K 40 löppt in’n Westen na Harrendörp. Ans gifft dat noch en lüttjere Straat na Olendörp.

De nächste Bahnhoff is de Bahnhoff Lübbs an de Bahnlien Bremen-Cuxhoben, de in Wohlthöben glieks achter de Gemeengrenz liggt. De Bahnhoff hett 1863 apenmaakt.

Scholen[ännern | Bornkood ännern]

Ax hett en egen Kinnergoorn un mit de Grundschool an’n Billerbeek en Grundschool.

Lüüd[ännern | Bornkood ännern]

De Waterboinschenör Reinhard Woltman is 1757 in Ax boren.

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 30: http://books.google.de/books?id=tG0AAAAAcAAJ&pg=PA30
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133
  3. http://www.gemeindeverzeichnis.de/gem1900/gem1900.htm?hannover/geestemuende.htm
  4. 4,0 4,1 4,2 http://www.verwaltungsgeschichte.de/wesermuende.html

Weblenken[ännern | Bornkood ännern]

Commons-logo.svg Ax. Mehr Biller, Videos oder Audiodateien to’t Thema gifft dat bi Wikimedia Commons.