Austrasien

Vun Wikipedia
Wesseln na: Navigatschoon, Söök
Middeleuropa in't fröhe Middeloller.

Austrasien oder ok Austrien (vun lat.: Austrasia oder Auster) weer de Naam for den ööstlichen Deel vun dat Frankenriek, gegen dat Westriek Neustrien over. Dat kann woll seggt weern, dat in Austrasien de Weeg vun dat Huus vun de Karolingers in stahn hett.

Geschicht[ännern | Bornkood ännern]

Austrasien (also Land in'n Oosten) weer vun Chlodwig I. sien Dood in dat Johr 511 af an bit to Pippin den Jüngeren de meiste Tied en sülvstännig Deel-Königriek vun de Franken. De Hööftstadt weer Metz. To dat Riek hören de fränkschen Gemarken um Rhien, Maas un Mosel to. Blangen Metz weern dat de Städer Reims, Köln un Trier. Dor keem denn noch all dat Land to, wat vordem to de Germanenstämm tohöört harr, de nu unner de Franken ehr Jück leven döen. Unner den eersten Deelkönig Theuderik weer dat Alemannien, later kemen dor ok Döringen un Bayern to.

As dat Frankenriek unner de Karolingers in dat 8. Johrhunnert wedder vereenigt wurrn weer, sünd de Naams Austrasien un Neustrien ut de Geschicht verswunnen. As denn unner Karl den Groten siene Nafolgers dat Riek wedder ut'neenfullen weer, sünd dor in dat 9. Johrhunnert de neen Deelrieke Oostfrankenriek un Westfrankenriek vun wurrn.

Hartöge un Könige vun Austrasien[ännern | Bornkood ännern]

Huusmeiers vun Austrasien[ännern | Bornkood ännern]

  •  ??? – 548 Parthemius
  •  ??? – ??? ???
  • 576 – 581 Gogo
  • 581 – ??? Wandalenus
  •  ??? – ??? ???
  • 595 – ??? Protadus
  •  ??? – 600 Claudius
  • 600 – ??? Gundulf
  •  ??? – 612 Landerik
  • 612 – 613 Warnachar
  • 613 – 616 Rado
  • 616 – 623 Hugo Chulus
  • 623 – 629 Pippin I.
  • 629 – 639 Ansegisel
  • 639 – ??? Pippin I. (to'n 2. Mol)
  •  ??? – 642 Otto
  • 642 – 656 Grimoald de Öllere
  •  ??? – ??? ???
  • 662 – 675 Wulfoald
  • 675 – 675 Leudesius
  • 675 – 679 Wulfoald (to'n 2. Mol)
  • 679 – 714 Pippin II. de Middelste
  •  ??? – ??? ???
  • 716 – 741 Karl Martell
  • 741 – 747 Karlmann
  • 747 – 751 Pippin III. de Jüngere (ok de Korte nömmt)

751 hett Pippin sik to'n König wählen laten un hett dor dat Amt vun den Huusmeier mit afschafft.

Weblenken[ännern | Bornkood ännern]