Auchtermuchty (Brenneree)

Auchtermuchty
Land	Schottland
Region	Lowlands
Tyyp	Malt
Status	stillleggt (1926); deelwies afreten
Besitter
Grünnt	1839
Grünner	Alexander Bonthrone
Washstill(s)	1
Spiritstill(s)	1

Auchtermuchty weer en Whisky–Brenneree in Auchtermuchty, Fife (Schottland), Schottland.

Historie[ännern | Bornkood ännern]

De Brenneree weer 1829 vun Alexander Bonthrone in den Oort Auchtermuchty grünnt. Bit toletzt weer de Destille vun de Familie föhrt. 1923 hett se en neen Naam kregen un weer na den Stroom Eden in Stratheden nöömt. Ut den Stroom keem oik dat Water, dat för de Produkschoon bruukt weer. De Historie vun de Brenneree is an sik aver ahn sünnere Begeevnissen verlopen^[1].

Mitt vun de 1880er Johren hett Alfred Barnard de Brenneree besöcht. Mit sien Opteken gifft dat dorüm en go’e Beschrieven vun de Destille. Na sien Informatschonen harr de Brenneree egene Moltboddens un en Möhl, de jüst so as de Rest vun de Brenneree dör dree Waterrööd andreven weer. De Whisky weer in en wash still un en spirit still brennt. Dat heet, de eerste harr en Volumen vun 960 Gallonen, de annere vun 460 Gallonen. To de Tiet weern ruchweg 20.000 Gallonen int Johr herstellt un meist vullstännig as Single-Malt-Whisky na Leith, London un Glasgow verköfft^[2].