Attisch

Vun Wikipedia
Wesseln na: Navigatschoon, Söök
De greekschen Dialekten. Attisch in Rosa

Attisch is en Dialekt vun de Ooltgreeksche Spraak. He is in de Kuntrei Attika rund üm Athen to, snackt wurrn. Dat Attisch vun dat 5. Johrhunnert v. Chr. warrt as de klassische Form vun de Greeksche Spraak ansehn. Se is ok de Wuddel vun de latere Koiné, wat de allgemeene Spraak in de Tiet vun den Hellenismus weer. Ut de Koiné is denn noch later dat Neegreeksch rutwussen. Dor kann een woll seggen: Attisch is sowat, as de Grootmudder vun de hüdige Greeksche Spraak. Binnen de ooltgreekschen Dialekten steiht dat Attisch ganz dune bi dat Ioonsch.

Bedüden[ännern | Bornkood ännern]

De wichtigsten Schriften ut de Greken ehr klassische Tiet sünd all up Attisch upschreven wurrn. De Philosophen Platon un Aristoteles hefft just so Attisch snackt un schreven, as de Historikers Xenophon un Thukydides un de Schrievers Aischylos, Sophokles un Aristophanes. Vunwegen de Macht un dat Bedüden vun Athen in Weertschop, Politik un Kultur is Attisch den ok Grundlaag vun de latere Allemeenspraak Koiné wurrn. Dör de Feldtöög vun Alexander den Groten is düsse Koiné rupkladdert to de Hööcht vun en Weltspraak un hett de annern greekschen Dialekten an'e Siet schaven. Vun dat 1. Johrhunnert n. Chr. af an is denn avers de Attizismus upkamen. De hett versöcht, dat klassische Attisch wedder hertostellen un de greeksche Spraak „rein to maken“. Bit in de tweete Hälft vun dat 20. Johrhunnert is en Form vun de Neegreeksche Spraak, de sik dune an dat Attisch anduken dö (Katharevussa) an de Scholen as Staatsspraak lehrt wurrn.

Weblinks[ännern | Bornkood ännern]