Astrid Williamson

Vun Wikipedia
Wesseln na: Navigatschoon, Söök
Astrid Williamson (2010)

Astrid Williamson (* 1971) is en schottische Singersche un Ledermakersche, de op de Shetlandeilannen boren is.

Leven un Wark[ännern | Bornkood ännern]

Williamson hett en klass’sche Utbilln as Pianistin dörlopen un en Afsluss an de Royal Scottish Academy of Music and Drama maakt.

In de 1990er Johren hett se de Independent-Grupp Goya Dress grünnt, to de blangen ehr sülvst noch Terry de Castro un Simon Pearson höörn. De Grupp hett aver blots en Album rutbröcht un sik 1996 wedder oplööst. Williamson hett dorna mit dat britische Independent-Label One Little Indian Records Solo-Material publizeert un denn ehr egen Label ünner den Naam Incarnation Records grünnt[1].

Blangen ehr Solo-Loopbahn hett Williamson ok mit verschedene annere Gruppen tosamenarbeit, as to’n Bispeel Oskar[2] oder de experimentelle Grupp Bilderberg Groop[3], oder mit annere Singers as ünner annern de kanaadsche Ledermakersche Tara Maclean. Butendem hett se in’n Achtergrund för The Hope Blister un för de Supergrupp Electronic ut de 1990er Johren sungen.

In’t Johr 2010 weer Williamson tosamen mit Brendan Perry ünnerwegens, as he mit sien nee Album Ark op Tour weer. Se hett för em Keyboard speelt un in’n Achtergrund sungen. 2012-2013 weer se in de sülven Funkschoon mit de Grupp Dead Can Dance op Welt-Tournee.

Diskografie[ännern | Bornkood ännern]

Solo-Albums[ännern | Bornkood ännern]

  • 1998: Boy For You
  • 2003: Astrid Williamson
  • 2006: Day Of The Lone Wolf
  • 2009: Here Come The Vikings
  • 2011: Pulse

Mit de Grupp Goya Dress[ännern | Bornkood ännern]

  • 1996: Rooms

Mit Stephan Eicher[ännern | Bornkood ännern]

  • 1999: Louanges

Mit de Grupp Electronic[ännern | Bornkood ännern]

  • 2000: Twisted Tenderness

Borns[ännern | Bornkood ännern]

  1. Incarnationrecords.co.uk
  2. Incarnationrecords.co.uk
  3. Bilderberg Groop op MySpace.com

Weblenken[ännern | Bornkood ännern]