Arteria thoracoacromialis

Vun Wikipedia
Wesseln na: Navigatschoon, Söök
De A. axillaris mit ehr Twiegen. De A. thoracoacromialis twiegt wiet baven al af

De Arteria thoracoacromialis („Bostkasten-Gradeneck-Slagader“) is en Arterie bi’n Minschen, de in dat Rebeet vun de Schuller liggt.

Verloop[ännern | Bornkood ännern]

De Arteria thoracoacromialis is en Twieg vun de Arteria axillaris. Se geiht vun disse Slagader al wiet baven bi de Schuller af, wobi se vun’n Musculus pectoralis minor afdeckt warrt, un deelt sik kort dorop in veer Twiegen op.

De Ramus pectoralis stiggt twüschen de Bostmuskeln na ünnen un vertiegt sik dorin. Bi Fronslüüd gaht vun ehr ok Twiegen na de Bostdrüüs af, woneem se Anastomosen mit de Rami intercostalis vun de Arteria mammaria interna un de Arteria thoracica lateralis billt.

De Ramus acromialis verlöpt över’n Processus coracoideus na de Siet hen ünner den Musculus Deltoideus, in de he sik den optwiegt. Sien Endtwieg geiht dör den Muskel dör un ennt an’t Acromion in en Nett ut Twiegen vun de Arteria scapularis transversa un de Arteria circumflexa humeri posterior.

De Ramus clavicularis stiggt na baven op de Mitt to hen na’t Sternoklavikularlidd. He versorgt dat Lidd as ok den Musculus subclavius.

De Ramus deltoidus överkrüüzt den Musculus pectoralis minor un verlöpt tosamen mit de Vena cephalica över de Mohrenheim-Kuhl in den Sulcus deltoideopectoralis. Disse Ramus versorgt den Musculus pectoralis major un den Musculus deltoideus.

Literatur[ännern | Bornkood ännern]

Walter Thiel: Photographischer Atlas der praktischen Anatomie. Springer-Verlag, 2. Utgaav 2005, ISBN 9783540312420.