Arteria labialis superior

Vun Wikipedia
Gesichtsarterien vun’n Minsch

De Arteria labialis superior („Böverlippenslagader“) is en Slagader vun’n Kopp, welke de Böverlipp mit suerstoffriek Blood versorgt.

De A. labialis superior twiegt in’t Rebeet vun’n Mundwinkel ut de Arteria facialis („Gesichtsslagader“) af. Se geiht dör den Musculus orbicularis oris dör un slängelt sik denn an’n Rand vun de Böverlipp langs. Dor versorgt se de Huut un Sliemhuut vun de Lipp, de Lippendrüüs un den Musculus orbicularis oris. Lüttere Twiegen vun de Slagader teht na de Nees un versorgt den vörderen Deel vun de Neestwüschenwand un de Nesenflögels.

Literatur[ännern | Bornkood ännern]