Arteria cerebelli inferior posterior

Vun Wikipedia
Wesseln na: Navigatschoon, Söök
De Bregen mit artierielle Bloodfatten vun ünnen bekeken. De beiden A. cerebelli inf. post. twiegt as eerste vun de A. vertebrales af (Gavelstruktur ünnen in’t Bild).

De Arteria cerebelli inferior posterior (lat.: „ünnere achtere Lüttbregenslagader“, ünner Mediziners ok PICA afkört na den engelschen Begreep) is en poorig arteriell Bloodfatt, dat to de Adern höört, de den Bregen mit Blood versorgt.

Verloop[ännern | Bornkood ännern]

Normalerwies twiegt de Arteria cerebelli inferior posterior ut de Arteria vertebralis af, kort vördem sik de poorigen Adern vun beide Sieten as Arteria basilaris vereent. De A. Cerebelli inf. post. sünd vun de Aftwiegen de mit den gröttsten Dörsnitt. Na’t Aftwiegen lööpt se üm dat Medulla oblongata („verlängert Rüchmark“) na achtern in Richt na’n Lüttbregen un geiht twüschen den X. un den XI. Bregennerv dör. Se versorgt den gröttsten Deel vun de ünnere Hälft vun’n Lüttbregen un den Ünnerworm. Lüttere Vertwiegen sünd ok för de Versorgen vun achtere un sietliche verlängert Rüchmark tostännig.

Grött un Verloop vun de Arteria cerebelli inferior posterior künnt düchtig ünnerscheedlich wesen. In 10 % vun de Fäll twiegt se nich ut de Arteria vertebralis af, man eerst na’t Tohopengahn ut de Arteria basilaris.

En Versluss vun de Arterie löst en Lüttbregeninfarkt ut un föhrt dör Schaden vun de Oblongata to en kumplex un wesseln Symptombild, dat as Wallenberg-Syndrom betekent warrt.

Borns[ännern | Bornkood ännern]

Schiebler, Schmidt, Zilles: Anatomie: Zytologie, Histologie, Entwicklungsgeschichte, makroskopische und mikroskopische Anatomie des Menschen (7. Opl.). Springer, Berlin 1997. ISBN 3-540-61856-2.