Armsdörp

Vun Wikipedia

Dit Woort hett noch annere Bedüden: kiek dorför ünner Armsdörp (Landkreis Stood).

Wapen/Flagg Koort

Wapen vun Armsdörp

Armsdörp
Laag vun Armsdörp in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Loomst
Gemeen: Armsdörp
Flach: 23,42 km²
Inwahners: 467 (2009-12-3131. Dezember 2009)
Inwahnerdicht: 19,9 Inwahners pro km²
Postleettall: 21769
Vörwahl: 04773
Geograafsche Laag:
Koordinaten:53° 36′ N, 9° 5′ O
53° 36′ N, 9° 5′ O
ArmsdörpDoornsoodLangenmoor
Laag von Armsdörp in de Gemeen Armsdörp (Koort lett sik anklicken)

Karte

Luftbild von dat Dörp (2013)

Armsdörp (hoochdüütsch Armstorf) is en Dörp in de Gemeen Armsdörp, Samtgemeen Loomst in’n Landkreis Cuxhoben, Neddersassen.

Bi Armsdörp höört ok von öllers al de Oortsdeel Hoorn mit bi.

Geografie[ännern | Bornkood ännern]

De Naveröörd sünd Loomst un Nindörp in’n Noordoosten, Hollen in’n Oosten, Langeln in’n Süden, Doornsood un Langenmoor in’n Süüdwesten un Hoorn, Maurismaur un Mittelsnohn in’n Noordwesten.

Historie[ännern | Bornkood ännern]

In de Oorkunnen kummt Armsdörp as Ismerstorpe toeerst 1112 vör. To de Tied hett dat dor söven Hööv geven.

In’n Düütsch-Franzööschen Krieg sünd twee Soldaten ut Armsdörp fullen oder vermisst[1], in’n Eersten Weltkrieg 24 Soldaten un in’n Tweten 42[2].

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Loomst in’n Kanton Bremervöör höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

Vör 1859 weer Armsdörp in de Vaagdie Loomst von dat Amt Bremervöör un denn von 1859 bet 1885 in dat Amt Oosten. 1885 is dat an’n Kreis Neehuus gahn un 1932 an’n Kreis Land Hadeln. 1977 is dat denn Deel von’n Landkreis Cuxhoben worrn.

Inwahnertall[ännern | Bornkood ännern]

Johr Inwahners
1791-00-001791[3] 36 Füürsteden
1824-00-001824[4] 37 Füürsteden
1848-00-001848[5] 305 Lüüd, 60 Hüüs
1871-12-011. Dezember 1871[6] 404 Lüüd, 75 Hüüs
1885-12-011. Dezember 1885[7] 359 Lüüd, 71 Hüüs
1905-12-011. Dezember 1905[8] 395 Lüüd, 71 Hüüs
1910-12-011. Dezember 1910[9] 422
1925-00-001925[10] 435
1933-00-001933[10] 466
1939-00-001939[10] 462
2009-12-3131. Dezember 2009[11] 469

Religion[ännern | Bornkood ännern]

Kapell op’n Karkhoff

Armsdörp is evangeelsch-luthersch präägt un höört to dat Kaspel von de Bartelmees-Kark in Loomst.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Wapen[ännern | Bornkood ännern]

Dat Wapen von Armsdörp wiest op blauen Grund baven söven gollen Ruten un ünnen, von en sülvern Wellenlien deelt, en gollen Hoorn. De söven Ruten staht för de söven Hööv, de dat Dörp harr, as dat 1112 toeerst in de Oorkunnen vörkamen is.

Kultur[ännern | Bornkood ännern]

Kriegerdenkmaal

En Gedenktafel för de Fullenen ut Armsdörp in’n Düütsch-Franzööschen Krieg hängt in de Bartelmees-Kark in Loomst un en Denkmaal för de Fullenen ut de twee Weltkrieg’ steiht bi’n Karkhoff in Armsdörp.

Verenen[ännern | Bornkood ännern]

Schüttenhall un Jugendzentrum

De Schüttenvereen is 1927 grünnt worrn, de Kriegervereen 1904 un de Sportvereen 1923. In’n Sportvereen is besünners Fuustball wichtig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Armsdörp liggt an de Bundsstraat 495, de in’n Süden na Bremervöör geiht un in’n Noorden na Loomst un Basbeek/Warstood (Gemeen Hemmoor) löppt. De Kreisstraat 31 geiht von de B 495 na Süüdwesten af un löppt na Doornsood. Ans gifft dat noch lüttjere Straten na Langenmoor, Maurismaur un Hollen.

De nächste Autobahn is de Autobahn 27 (Afsnidd CuxhobenBremerhoben). De Opfohrt 5 Debst liggt so 32 Kilometer in’n Westen von Armsdörp an de L 120. De Opfohrt 2 Stood-Süüd op de Autobahn 26 (Afsnidd StoodHamborg) liggt so 36 Kilometer in’n Oosten an de B 73.

De nächste Bahnhoff is so bi 13 Kilometer wied weg in’n Noordoosten de Bahnhoff Hemmoor an de Nedderelvbahn von Cuxhoben na Hamborg. De Bahnhoff Bremervöör an de Bahnlien Bremerhoben–Buxthu liggt üm un bi 17 Kilometer in’n Süüdoosten.

Lüüd[ännern | Bornkood ännern]

De Journalist Stefan Aust bedrifft in Armsdörp en Peerhoff.

Footnoten[ännern | Bornkood ännern]

  1. http://www.denkmalprojekt.org/2010/lamstedt_st_barth-kirche_1870-71_ns.htm
  2. http://www.denkmalprojekt.org/dkm_deutschland/armstorf_ns.htm
  3. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 11
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 24
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 132
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 146
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 154
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 126
  9. Inwahnertallen op gemeindeverzeichnis.de
  10. a b c Inwahnertallen op verwaltungsgeschichte.de
  11. http://boerde-lamstedt.der-norden.de/rathaus/zahlen.html

Weblenken[ännern | Bornkood ännern]

Armsdörp. Mehr Biller, Videos oder Audiodateien to’t Thema gifft dat bi Wikimedia Commons.