Aristides Pereira

Vun Wikipedia
Präsident Pereira wiel en Staatsbesöök 1983 in de USA.

Aristides Maria Pereira (* 17. November 1923 op Boa Vista, Kap Verde; † 22. September 2011 in Coimbra[1])) weer en kapverdischen Politiker. He weer vun 1975 bit 1991 de eerste Präsident vun Kap Verde na de Unafhangigkeit vun Portugal.

Leven[ännern | Bornkood ännern]

Pereira is de Söhn vun Porfirio Pereira Tavares un Maria das Neves Crus Silva. He hett na de Schooltiet en Arbeit as Radio-Telegrafist utöövt. Sien eerst grötteret Regeerensamt weer as Baas vun de Telekommunikatschoon in Guinea-Bissau. He hett sik vun de laten 1940er Johren an bit to de Unafhangigkeit vun Kap Verde jümmer för de anti-koloniale Bewegen insett, hett Streiks organiseert un is dormit in de Amtsfolg vun de Afrikaanschen Unafhangigkeitspartei vun Guinea un Kap Verde (PAIGC), worut later de PAICV worrn is.

Pereira hett anfangs versproken, dat he en demokraatsche un sozialistische Natschoon föhren wull, wenn he Präsident warrt. Liekers is de duersome Armot in’t Land slimmer worrn, vun wegen dat he na’t Störten vun Luís de Almeida Cabral forsch gegen all Lüüd vörgahn is, de annere Ansichten harrn as he. Cabral weer de Präsident vun Guinea-Bissau un sien vörmoligen Allieerten. Aver liekers hett de Regeeren vun Pereira de Minschenrechten veel mehr acht as de meisten annern afrikaanschen Länner. Na den Staatsstriek hebbt de politischen Anstalten gegen de Lüüd bannig afnahmen, man de na de Unafhangigkeit inrichte Eenparteienstaat harr noch bit 1990 Bestand.

De Politik ünner dat Regeer vun Pereira hharr en tendenz to de Neutralität in’n Kolen Krieg. Ökonomsche Reformen weern vör allen för de Landinwahners goot. Ümstredenerwies hett he sik aver mit de Regimen vun de Volksrepubliek China un Libyen verbünnt.

Der fröhere Präsident vun Kap Verde, Pedro Pires, weer to de Amtstiet vun Pereira as Premierminister in’t Amt.

Kiek ok[ännern | Bornkood ännern]

Borns[ännern | Bornkood ännern]

  1. Former Cape Verde president Aristides Pereira dies