Appointment with Death (1988)

Vun Wikipedia
Wesseln na: Navigatschoon, Söök
Filmdaten
Plattdüütsch Titel:
Originaltitel: Appointment with Death
Düütsch Titel: Rendezvous mit einer Leiche
Produkschoonsland: USA
Johr vun’t Rutkamen: 1988
Läng: 96 Minuten
Originalspraak: Engelsch
Öllersfreegaav in Düütschland: FSK n. a.
Filmkru
Speelbaas: Michael Winner
Dreihbook: Peter Buckman
Anthony Shaffer
Michael Winner
Produkschoon: Michael Winner
Yoram Globus
Menahem Golan
Mati Raz
Musik: Pino Donaggio
Rafi Kadishzon
Frank Barber
Kamera: David Gurfinkel
Snitt: Michael Winner
Dorstellers

Appointment with Death (op Platt so veel as „Drapen mit’n Liek“; dt. Titel: Rendezvous mit einer Leiche) is de Titel vun en US-amerikaanschen Kriminalfilm na den Roman Appointment with Death (hoochdüütsch: Der Tod wartet) vun Agatha Christie. In de Hööftrull as Hercule Poirot weer Peter Ustinov to sehn, de disse Rull vörher ok al in annere Christie-Verfilmen speelt hett.

Inholt[ännern | Bornkood ännern]

Emille Boynton weer inst Direkter vun en US-amerikaansch Gefängnis un is in sien Leven to Geld kamen. Nu is he doodbleven, hett aver kort för sien Dood sien Testament noch mol ännert. Dorin schrifft he, dat sien Vermögen ünner sien tweete Ehfro Emily Boynton – en ehmolige Opsehersche in dat Gefängnis – un sien Kinner gliekmatig verdeelt warrn schall. De Weetfro hett aver den Afkaat in de Hand un kann em dorto bingen, dit ne’e Testament in’t Füer to smieten, so dat dat ehmolige Testament wedder gellen deit. Dorna fallt dat hele Vermögen an de Weetfro un schall eerst na ehrn Dood ünner de Kinner opdeelt warrn.

Emily beslutt, mit de Kinner un Steefkinner en Schippsreis tomaken, toeerst na Europa, un denn wieter na Palästina. De Afkaat, de wat mit de Swiegerdochter vun Emily, Nadine, hett, reist jem na. Op dat sülve Schipp reist ok Hercule Poirot na Palästina, üm dor Urlaub to maken. Dör en gemeensome Bekanntschop un annere Tofäll kamt Poirot un de Familie in Kuntakt, so dat se tosamen de Utgraven in Qumran an’t Dode Meer. Poirot kriggt mit, dat Emilys Kinner den Verdacht hebbt, dat jemehr (Steef)mudder wat mit dat Testament dreiht hett un ehr achtern ehrn Rüch den Dood an’n Hals wünscht. in Qumran warrt Emily denn dat Opper vun en Moordanslag. Foorts fangt Poirot an to ermiddeln. Op sien charmante Oort kann he an’t enn den Fall lösen.

Kritik[ännern | Bornkood ännern]

prisma-online: Bereits in „Tod auf dem Nil“ (1978) und „Das Böse unter der Sonne“ (1982) schlüpfte Peter Ustinov in die Rolle des berühmten belgischen Meisterdetektivs Hercule Poirot. In „Rendezvous mit einer Leiche“, nach einem von Agatha Christie 1937 verfassten Roman, muss sich Ustinov einmal mehr mit einem ungelösten Verbrechen beschäftigen. Das weltbekannte Multitalent spielt seine Rolle mit unvergleichlicher, feiner Ironie. Schwierig war es übrigens, Lauren Bacall nach dem Tod ihres Ehemanns Humphrey Bogart noch einmal vor die Kamera zu holen. Und wenn, dann waren die zaghaften Versuche von wenig Erfolg gekrönt. Doch Regisseur Michael Winner hatte mit Ustinov einen Trumpf im Ärmel, dem auch die Bacall nicht widerstehen konnte.

Anners wat[ännern | Bornkood ännern]

  • De Film bargt en histoorsch Paradoxon: Dat Book, op dat de Film to’n gröttsten Deel opboet, is in de Tiet vör den Tweeten Weltkrieg schreven worrn. De Schriftrullen vun Qumran sünd eerst 1947 opdeckt worrn, de in Film dorstellten Utgraven füngen eerst 1951 an. Histoorsch weer de Klaagmuer, de in’n Film mit jöödsche Lüüd dorstellt is, de dor beden doot, vun’n Palästinakrieg 1948 bit to’n Sössdaagkrieg 1967 för Jöden nich togänglich.
  • De Roman is 2008 as Appointment with Death nee verfilmt worrn. In de Höftrull as Hercule Poirot speel David Suchet.

Literatur[ännern | Bornkood ännern]

  • Agatha Christie: Appointment With Death (hoochdüütsche Titel: Der Tod wartet), 320 S., Harpercollins Verlag, Masterpiece ed., 2001, ISBN 978-0007119356

Weblenken[ännern | Bornkood ännern]