Apparatspott

De Apparatspott

Apparatspott is ene Reeg vun Filmen, de vun de filmemoker ut Sulingen maakt warrt. Dat sünd Science-Fiction-Filmen, de en Parodie op de bekannten Science-Fiction-Filmen so as Star Trek un Star Wars sünd. De filmemoker hebbt dree Filme maakt, De Apparatspott, Apparatspott – Gerangel in Ruum un Tied un Apparatspott – Dat mokt wie gistern.

Apparatspott warrt in Delen vun Plattdüütschland to’n groten Pott to’n Inmaken seggt. Jüst disse Form hett dat Ruumschipp Apparatspott, dat in’n Weltruum Aventüürs verleevt.

För de Apparatspott-Reeg hebbt de filmemoker 2006 ok den tweten Pries bi’n NordWest Award kregen.

Böker

• Falko Weerts: De Apparatspott. Die Schience-Fiction Story der Sulinger filmemoker. Weerts-Verlag, Weyhe 2007; ISBN 978-3-940807-01-4; 120 S. m. veelen Billers

Weblenken

• Vörschau op’n Apparatspott 3 (Film plattdüütsch)
• De Websiet vun de Sulinger filmemoker (up hoochdüütsch)