Antoine Darquier de Pellepoix

Vun Wikipedia
Wesseln na: Navigatschoon, Söök
Antoine Darquier de Pellepoix

Antoine Darquier de Pellepoix (* 23. November 1718 in Toulouse; † 18. Januar 1802 in Toulouse) weer en franzöösch Astronom.

He hett in sien Heimatstadt Toulouse arbeit. De Beobachten, de he tüschen 1748 un 1773 makt hett, hett he in dat Book Observations Astronomiques faites à Toulouse (Avignon 1777) rutgeven.

Bi de Söök nah den Kometen van 1779 hett he in’ Januar den Ringnebel M57 opdeckt, blots en paar Daag vör Charles Messier. He hett dat Utsehn vun M57 mit dat Utsehn vun en Planeten vergleeken.

Tüschen 1791 un 1798 hett he en Katalog upstellt mit Positschonen vun Steerns, de denn vun Jérôme Lalande för sien 1801 rutgeven Steernkatalog bruukt wurr.

De rechtsextreme un antisemitische Politiker Louis Darquier seggt fälschlicherwies vun sück, dat he en Nahfohr vun Antoine Darquier de Pellepoix is.

Weblenken[ännern | Bornkood ännern]