Antineutron

Vun Wikipedia
Wesseln na: Navigatschoon, Söök

Dat Antineutron is na dat Standardmodell vun de Elementardeelkenphysik dat Antideelken vun dat Neutron un tellt dormit to de Antimaterie. Na dat Modell bestaht Antineutronen ut twee Anti-Down-Quarks un en Anti-Up-Quark.

Dat Antineutron is 1956 vun Bruce Cork opdeckt worrn, ungefäähr en Johr na de Opdecken vun dat Antiproton. Wie dat Neutron is ok bi dat Antineutron de Masse ruchweg 939,6 MeV. Dat Antineutron hett keen elektrisch Laden un en Spin vun 1/2. dormit höört dat Antideelken to de Klass vun de Fermionen.

Na de Theorie vun de CPT-Symmetrie gifft dat sünnere Bedingen för Deelken/Antideelken, de t. B. över dat Antineutron in Experimenten test warrn künnt. Intressant is dat Antineutron vun wegen sien Vernichtenreakschonen (nantin) → Prod. un (nantip) → Prod. ahn elektromagnetsch Wesselwirken. Tüügt warrn künnt Antineutronen t. B. dör de Vernichten vun gaumakte hoochenergetsche Elektronen un Positronen e+e- → nantin.

Liekers dat Antineutron de sülve Laden un den sülven Spin hett as dat Neutron, is dat en anner’t Deelken, wiel dat ut Anti-Quarks tohopensett is. Dat free’e Antineutron is nich vun Bestand un verfallt to en Antiproton un en Positron, wieldat en free’t Neutron to en Proton un en Elektron verfallt. De Levensduer un dat gyromagnetsch Moment vun en free Antineutron sünd opstunns noch nich in’n Experiment verklort worrn.

De experimentell Beobachten vun de Neutron-Antineutron-Oszillatschoon gellt as wieteren est för de Quarktheorie. In’n Vakuum fluktueert dat free’e Neutron mit en Tietkonstanten vun grötter as 4,7 · 1031 Johren to en Antineutron.