Ankloh

Vun Wikipedia
Wapen/Flagg Koort

Wapen vun Ankloh

Ankloh
Laag vun Ankloh in Düütschland
Basisdaten
Bundsland: Neddersassen
Landkreis: Cuxhoben
Gemeen: Geestland
Flach: 9,95 km²
Inwahners:
Postleettall: 27624
Vörwahl: 04745
Geograafsche Laag:
Koordinaten:53° 38′ N, 8° 54′ O
53° 38′ N, 8° 54′ O
FickmöhlenAnklohBeers
Laag von Ankloh in de Oortschop Beers (Koort lett sik anklicken)

Karte

Luftbild von Ankloh (2012)

Ankloh is en Dörp in de Gemeen Geestland in’n Landkreis Cuxhoben, Neddersassen. Binnen de Gemeen Geestland höört de Oort to de Oortschop Beers. Bi Ankloh höört ok en lütten Deel von Möhdiek un de Hoff Falkenborg bi.

Geografie[ännern | Bornkood ännern]

In’n Westen von dat Dörp liggt de Beerser See.

De Naveröörd sünd dat Süderenn von Steenau mit Höörn un Möhdiek in’n Noorden, Neebachenbrook in’n Noordoosten, Maurismaur in’n Oosten, Meckelst in’n Süüdoosten, Lintig in’n Süden, Falkenborg in’n Süüdwesten un Beers in’n Westen.

Historie[ännern | Bornkood ännern]

In de Franzosentied von 1810 bet 1814 hett de Oort to de Mairie Loomst in’n Kanton Bremervöör höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

Ankloh is 1968 mit de Gemeen Beers tohoopleggt worrn. Von’n 1. April 1971 af an hett de Oort to de Samtgemeen Beers tohöört un von’n 1. März 1974 bet to’n 31. Dezember 2014 to de ne’e, gröttere Samtgemeen Beers. De Gemeen Beers un de Samtgemeen Beers sünd to’n 1. Januar 2015 oplööst worrn. Dat ganze Rebeed höört nu to de Gemeen Geestland.

Inwahnertall[ännern | Bornkood ännern]

Johr Inwahners
1824-00-001824[1] 18 Füürsteden
1848-00-001848[2] 120 Lüüd, 22 Hüüs
1910-12-011. Dezember 1910[3] 147
1925-00-001925[4] 185
1933-00-001933[4] 191
1939-00-001939[4] 215

Religion[ännern | Bornkood ännern]

Ankloh is evangeelsch-luthersch präägt un höört to dat Kaspel Beers. Bet 1969 hett dat noch to dat Kaspel Ringst höört.

Wapen[ännern | Bornkood ännern]

Dat Wapen wiest op blauen Grund en sülvern Falk mit gollen Snavel un Klauen un dree gollen Bökenbläder.

De Falk steiht as Symbol för de Falkenborg bi Ankloh un de Bökenbläder staht as Symbol för den Naamsdeel -loh, de för en Holt steiht.

Kultur[ännern | Bornkood ännern]

Verenen[ännern | Bornkood ännern]

De Turnvereen Ankloh is 1920 grünnt worrn un de Schüttenvereen 1925.

Infrastruktur[ännern | Bornkood ännern]

Verkehr[ännern | Bornkood ännern]

Von Ankloh löppt de Kreisstraat 37 na Süüdoosten an de Landsstraat 116 ran. De Ankloher Straat löppt in’n Westen na Beers un in’n Noorden löppt en Straat na Möhdiek. Ans gifft dat noch en lüttjere Straat na Bachenbrook.

De nächste Bahnhoff is so bi 16 Kilometer wied weg in’n Süden de Bahnhoff Geestenseth an de Bahnlien Bremerhoben–Buxthu. Von 1896 bet 1968 hett dat ok Personenverkehr op de Bahnlien Bremerhoben–Beers geven. De Bahnhoff Beers leeg fiev Kilometer in’n Westen von’n Oort.

Scholen[ännern | Bornkood ännern]

De Kinner ut Ankloh gaht na de Grundschool Beers.

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 22: http://books.google.de/books?id=tG0AAAAAcAAJ&pg=PA22
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 131: http://books.google.de/books?id=eOI-AAAAcAAJ&pg=PA131
  3. http://www.gemeindeverzeichnis.de/gem1900/gem1900.htm?hannover/lehe.htm
  4. a b c http://www.verwaltungsgeschichte.de/wesermuende.html