Angeln (Landschop)

Vun Wikipedia
Wesseln na: Navigatschoon, Söök

De Landschop Angeln is dat Land twischen Flensborg, Kappeln un Sleswig. De westliche Begrenzung is de Geest, östlich dorvun is dat hügeliche Land mit Knicks, de Knicklandschaft geiht bit hen naa de Oostsee. De Geest is meistens sandig, dor waart meist Kartüffeln anbuut. Ööstlich dorvun is meist Raps un Koorn to sehn. Angeln is hüttodags een Land för Familienurlauber ( meist in Sümmer). Naturschutz und dat Bewohrn vun de Natur is wichtich wurn in de letzen Johrn: dat gifft een Naturschutzregion op de Birk (in de Neechte vun Falshöft) un rund um de Winderatter See. Dor kann man noch utspannen und de Natur ankieken, mit wille Köh (dat sind Galloway-Köh); de sind dat ganze Johr sik selfst överlaten un mit en poor wille Peer tosamen (de sind vun Polen importeert wurn). Dat ganze Johr över weiht door een frische Wind, door gifft dat noch Strohdakhüser und grote Feller mit Raps; un man sücht noch Peer un rotbunte Köh rumlopen. Vun de Scheersbarg kann man bi goode Witterung wiet kieken, röwer naa Dänemark. Un wenn de Wind passend is, dann kann man de Segelschääp sehn op de Oostsee. De Lüüt in Angeln leven vun Fremdenverkehr un vun de Landweertschop.