Anba Damian

Vun Wikipedia
Anba Damian 2008

Anba Damian (* 15. März 1955 in Kairo) is de Bischop vun de koptsche Kark in Düütschland. He hett sien Seet in dat koptsche Klooster vun de Hillige Jungfro Maria un’n Hilligen Mauritius in Brenkhusen bi Höxter. He is in’n Juni 1995 vun Paavst Shenuda III. as allgemeen Bischop för Düütschland wieht worrn. As allgemeen Bischop hett he keen richtig Bisdom un is direkt den Paavst ünnerstellt.

Damian is in Kairo opwussen, hett an de Universität Kairo Medizin studeert un dor in’n Dezember 1979 sien Bachelor maakt. Denn keem he mit siene Süster na Düütschland, de dor ne’e Beenprothesen kriegen schull. In Ludwigsborg hett he sik dorbi in Strahlentherapie, Nuklearmedizin un Röntgendiagnostik utbillen laten un is denn Dokter bi dat Kreiskrankenhuus Mühlacker wesen. Denn is he aver wedder na Ägypten trüchgahn, in dat St-.Bishoi-Klooster in de libysche Wööst intreden un Mönk worrn. 1993 is he to’n Preester wieht worrn. As Bischop in Düütschland is he tostännig för 6.000 ägyptsche Christen in acht Gemenen.

Weblenken[ännern | Bornkood ännern]