Ananasrenett
De Ananasrenett is en Sorte vun’n Huusappel (Malus domestica), de to de ollen Aaftsorten tellt. Se stammt ut de Benelux-Länner un warrt siet 1820 in’t Rhienland anboet.
Beschrieven[ännern | Bornkood ännern]
De Ananasrenett is en klassischen Appel vun’n Huusgoorn, vun wegen dat se en go’en Weertschopsappel is (to’n Inmaken, Kaken, Backen, Saft Maken usw.) aver ok’n fein Tafelaaft för’n Direktvertehr dorstellt. De Frücht sünd saftig un wiest en sünnert, sortentyypsch Aroma op, blieft aver eher lütt. Riep warrt se Mitt bit Enn Oktober un blieft bit Februar riep to’n Geneet, wenn se ordig lagert warrt. Se entwickelt en starken Röök na Ananas, wenn se in warme Ümgegen leegt.
De Boom is anfallig för Mehldau un Boomkrebs. He reageert ok op dröög Weder unbillt denn blots bannig lütte Frücht, de wenig Aroma utbillt. Wassen deit de Boom ok nich dull un bruukt en högere Boddengööd.
De Appelsort tellt to de „Aaftsorten, de na § 6 Afs. 4 vun de Verorden över’t Inverkehrbringen vun Anbomaterial vun Grööntüüch-, Aaft- un Tierplantenorden as ok för’t Opheven vun de Verorden to’n Bekämpen vun Viruskrankheiten in’t Aaftbo (Anbomaterialverorden – AGOZ) acht warrn künnt, ahn tolaten oder schuult to wesen“.[1]
Kiek ok[ännern | Bornkood ännern]
Literatur[ännern | Bornkood ännern]
- Walter Hartmann (Rgv.): Farbatlas alte Obstsorten, Stuttgart 2000, ISBN 3-8001-3173-0.
- Martin Stangl (Rgv.): Obst aus dem eigenen Garten, München 4. Oplaag 2000, ISBN 3-405-15046-9.
- Theodor Engelbrecht: Deutschlands Apfelsorten: illustrierte systematische Darstellung der im Gebiete des Deutschen Pomologen gebaute Apfelsorten, Bronswik, Vieweg, 1889, beschreven ünner Nr. 427, S. 475
Borns[ännern | Bornkood ännern]
Weblenken[ännern | Bornkood ännern]
- Aaftsorten in Düütschland, ruchweg 100 Johren oolt Fackbook mit vele Biller
- Karteikoort vun de Sort in de BUND-Lemgo Aaftsortendatenbank