Amt Osterholzer Verein
De Amt Osterholzer Verein is en Vereen in North Bergen (bi New York), in den sik Düütsche tohoopdaan hebbt, de ut dat ole Amt Oosterholt na de USA inwannert sünd. De Vereen hett aver ok Lüüd opnahmen, de ut de Ämter Leendaal un Blomendal na de USA kamen sünd. De beiden Ämter hebbt in de Naverschop von dat Amt Oosterholt legen. De Vörsitter is Hermann Bornemann.
De Vereen is an’n 2. Juli 1873 grünnt worrn. Toeerst weer he blots för Mannslüüd, later sünd aver ok Froonslüüd tolaten worrn. En indragen Vereen is dat an’n 10. Dezember 1915 worrn. De Vereen weer ok lange Johren mit aktiv in’n Plattduetschen Volksfest Vereen of New York and New Jersey.
2013 harr de Vereen man noch 22 Maten, de all al temlich oold weren. Dat liggt dor an, dat dat kuum noch düütsche Inwannerers gifft, de noch in Düütschland boren sünd un sik mit de ländliche Heimat in Düütschland verbunnen föhlt. Dorüm hett de Vereen in’n August 2013 sien Vereensfahn an’n hüdigen Landkreis Oosterholt schickt, wat de Rechtsnafolger von dat ole Amt Oosterholt is. De Fahn weer to dat 100-Johr-Jubiläum von’n Vereen 1973 vör dat Raadhuus in Oosterholt-Scharmbeek wieht worrn.[1]
De Vereen hett ok jümmer wedder Spennen sammelt för de ole Heimat. Ünner annern för de Familien von fullene Soldaten in’n Eersten Weltkrieg, Care-Paketer na’n Tweten Weltkrieg, na de Stormflood von 1962 oder för den Bo von dat Kreiskrankenhuus Oosterholt-Scharmbeek.[2]
Jann Segelken is 1964 Ehrenmaat von’n Vereen worrn un Karl-Heinz Schröder 1976.
Vörsitters[ännern | Bornkood ännern]
- 1873-: Claus Puckhaber
- ~1915: George Wehmann
- ~1928: Henry F. Lettmoden
- ~1978: Wilhelm Sievers
- Ursula Suhr
- Hermann Bornemann
Literatur[ännern | Bornkood ännern]
- Festschrift zum Deutschland-Besuch 1973 der Mitglieder des Amt-Osterholzer Vereins New York aus Anlass des 100jährigen Vereinsbestehens. Landkreis Oosterholt, 1973