Amokloop in Winnenden

Vun Wikipedia
Wesseln na: Navigatschoon, Söök
Albertville Realschool
De Schoolhoff

De Amokloop in Winnenden is utöövt wurrn an'n 11. März 2009 in Winnenden un in Wendlingen am Neckar. Dor sünd 16 Lüde bi ümkamen, dormank de 17 Johr ole Amoklöper Tim Kretschmer. [1]Ölben Lüde sünd verwunnt wurrn, en paar vun jem swaar. De Verwunnten sünd in't Krankenhuus kamen.

Wat passeert is[ännern | Bornkood ännern]

Gegen 9:30 h is de Amoklöper in de Albertville Realschool in Winnenden ringahn. In dree verscheden Klassenrüüme hett he mit en Pistool vun de Marke Beretta up negen Schölers vun de negente un teinte Klassen un up en Refrendaarsche schaten.[2]De meisten Oppers sünd noch in de Scholen storven. Twee vun de Schölers sünd mit dannige Wunnen in't Krankenhuus bröcht wurrn, man över'n Dag sünd se dor ok verstorven. Noch acht annere Schölers un en Lehrersche mössen ok mit Wunnen na't Krankenhuus inlevert weern.

De Polizei harr um 9:33h en Nootroop kregen. Foorts sünd twee Insatzteams na de Scholen henstüert wurrn. Dree Minuten later weer de Polizei dor. As de Amoklöper de Beamten sehn hett, hett he foorts up jem schaten. Denn is he to Foot ut de Scholen utneiht. Dorbi hett he up de Gängen noch twee Lehrersche dootschaten. Ok in en Zentrum för Psychiatrie un Neurologie, wat dune bi liggt, hett he en Mitarbeider dootschaten.

He neih denn wieter ut Richtung Binnenstadt. Dor hett he en Autofahrer bi dwungen, em in sien Auto mit to nehmen. De möss em denn över de A 81 bi 100 km över Tübingen un denn över Nürtingen un de Bundsstraat 313 na Wendlingen to föhren.[3] An en Kuntrollstell vun de Polizei bi Wendlingen hett de Fohrer dat schafft un is na en Bremsmanöver utbüxt. De Amoklöper is denn to Foot wieter lopen. In en Bedrievenpark hett he twee annere Lüde in en Autohuus dootschaten. Gegen Klock 1 an'n Middag he he denn bi en Scheteree mit de Polizei ümkamen.[4] Dor hefft ok twee Polizeibeamten dannige Wunnen bi afkregen.[5]Tügen hefft utseggt, dat de 17-jöhrige Amoklöper sik amenne sülms mit en Schööt in'n Kopp dootschaten hett. Alltohopen hett he 112 Schööt afgeven.

Achtergrund[ännern | Bornkood ännern]

De Amoklöper harr de School bit 2008 besöcht un mit en Tüügnis vun de Middelscholen afslaten. Sien Vadder höört to en Schüttenvereen to un hett en ganze Reeg vun Wapen tohuse harrt.

Belegen[ännern | Bornkood ännern]

  1. Heimo Fischer, Benno Stieber: Dossier: Der Amoklauf des Tim K. – Bericht ut de Financial Times Düütschland
  2. Yil Garon: Sie rettete eine Schülerin unter Einsatz ihres Lebens. Rheinische Post vun'n 12. März 2009
  3. Amoklauf in Winnenden. Kurzbeschreibung. der Polizeidirektion Waiblingen vun'n 11. März 2009
  4. Amokläufer von Winnenden erschießt in Autohaus in Wendlingen zwei Männer. Staatsanwaltschaft Stuttgart und die Polizeidirektion Esslingen, PM vun'n 11. März 2009
  5. Jugendlicher tötet 15 Menschen, Zeit Online vun'n 12. März 2009, 15:34 Uhr