Amelia Earhart

Vun Wikipedia
Wesseln na: Navigatschoon, Söök
Amelia Earhart

Amelia Earhart (* 24. Juli 1898; † (verschollen) 2. Juli 1937) weer en bekannte Flegersche ut’n US-amerikaanschen Staat Kansas. Se weer de eerste Minsch, de twee mol över den Atlantik flöög. Se weer de eerste Minsch, de alleeen vun Honolulu op Hawaii na Oakland in Kalifornien flöög. Se weer ok de eerste Minsch de alleen vun Mexiko-Stadt na Newark un de eerste Minsch, de alleen vun Los Angeles na Mexiko-Stadt flagen is. Amelia Earhart weer mit en rieken Mann mit de Naam Putnam verheiraat, de för de Rechten vun de Fronslüüd weer.

1937, kort vör ehrn 40. Geboortsdag, harr Amelia Earhart sik vörnahmen eenmal an’n Äquater langs üm de ganze Welt to flegen. To disse Reis is se an 21. Mai 1937 tohopen mit ehr Navigator Fred Noonan opbroken. Se harr all mehr as Dreeveerdel von de Reis trüggleggt, as se an’n 2. Juli von Lae in Papua-Niegguinea losflöög. Op de Howland-Eilannen wull se de letzte Twüschenlannen maaken, is aver nie dor ankamen.

Earharts Verswinnen hett een von de gröttsten Sööken utlöst, de dat in de Historie geven hett. 64 Flegers un 8 Kriegsscheep weer doran bedeeligt, aver ehr Fleger un ok se sülvst oder ehr Begleider sünd nich funnen worrn. Över ehrn Verbliev is veel spekuleert worrn: Dat se en Spion von de US-Amerikaners wesen is un de japanschen Stüttpunkten utspioneern schüll, oder dat se sik mit ehrn Navigater op en Insel afsett un dor en nee Leven anfungen hett. Na en annern Snack müss se notlannen un is von de Japaners fangen sett worrn, un eenige menen gor dat se von Butenirdische roovt un mitnahmen worrn is.

De Söök is an’n 19. Juli afbrocken worrn. Offiziell hett man ehr denn för verschollen un wohrschienlich doot befunnen. Ehr Loopbahn un Leven as Pioneersche vun de Flegeree is 2009 in den Speelfilm Amelia dorstellt worrn.