Alien³

Vun Wikipedia
Wesseln na: Navigatschoon, Söök
Filmdaten
Plattdüütsch Titel:
Originaltitel: Alien³
Düütsch Titel: Alien 3
Produkschoonsland: USA
Johr vun’t Rutkamen: 1992
Läng: 110 (Kino)
136 (Special Edition) Minuten
Originalspraak: Engelsch
Öllersfreegaav in Düütschland: FSK 16
Filmkru
Speelbaas: David Fincher
Dreihbook: Vincent Ward
David Giler
Walter Hill
Larry Ferguson
Produkschoon: Gordon Carroll
David Giler
Walter Hill
Musik: Elliot Goldenthal
Kamera: Alex Thomson
Snitt: Terry Rawlings
Dorstellers

Alien³ (op Platt so veel as „Frömm³“) is de Titel vun en US-amerikaanschen Science-Fiction-Thriller ut dat Johr 1992 un de drüdde Deel ut de Alien-Reeg. Disse Deel ist vun den Speelbaas David Fincher dreiht worrn. In de Hööftrull speel, as in de vörigen Filmen, Sigourney Weaver.

Inholt[ännern | Bornkood ännern]

De Film slutt nipp un nau an den tweeten Deel an. Nadem Ripley, de lütte Newt, Soldat Hicks un de Android Bishop vun LV 426 utneiht un mit dat Ruumschipp USS Sulaco op’n Torüchweg na de Eer sünd, brickt an Boord en Füer ut, vun wegen dat Süür bargen Blood vun en Alien-Facehugger uttreden is. Dorophen warrt en Nootkapsel mit de Lüüd afsprengt, de op den Planeten Fiorina „Fury“ 161 stört, worop sik aver blots en Straafkolonie befinnt. Corporal Hicks un Newt kamt bi’n Opprall üm un de Android Bishop funkschoneert nich mehr. Blangen Ripley överleevt blots de Facehugger, de an Boord wesen is. De söcht sik aver natürlich glieks en neven Weert un finnt dorför en Rottweiler. As dorut en ne’en Alien slippen deit, gifft dat bald de eersten Doden ünner de Fangenen.

Ripley hett todem dat Problem, de eenzige Fro ünner de isoleert leven Fangenen to wesen. Se frünnt sik mit den tostännigen Dokter vun de Kolonie an, de aver bi en Twüschenfall vun dat Alien ümbröcht warrt. Dorbi kummt ok Ripley in de Neeg vun dat Beest. Dat Deer röhrt ehr aver nich an. As ehr dat gesundheitlich slechter geiht maakt Ripley na dissen Vörfall an sik sülvst en biologische Ünnersöken. Dorbi warrt en Bild vun ehr binneren Organen op en Reeknerbildschirm wiest. Dorbi finnt se den Grund dorför, dat dat Alien ehr nix doon hett: In ehrn Lief entwickelt sik en Alien-Königin, de wohrschienlich in wenige Stünnen dör ehrn Bostkasten breken deit un ehr dorbi dood maken warrt. Man Ripley sütt in ehrn Ünnergang togliek ok’n Chance. Vun wegen dat dat Hunnen-Alien ehr nich angriepen warrt, kann dat mit Help vun Ripley mit de annern Straaffangenen anlockt un en dat Smöltafdeel lockt warrn. Dor künnt se en groten Ketel fletig Blie över dat Alien geten. Dat kann sik na korte Tiet ut dat Blie, man Ripley kann dat opletzt tonihten maken, as se de Sprinkleranlaag in Bedrief sett. Dat Blie bedeckte Alien köhlt dordör af un warrt dör dat Verklamen vun’t Blie tweireten warrt.

As de Reddenskru opletzt indrapen deit, seggt se toeerst, dat se nich vörhebbt, de Königin sekertostellen. Se vertellt ehr, dat se dat Alien ut den Bostkasten vun Ripley rutnehmen un den doodmaken wüllt. Aver Ripley ahnt, wat de wohren Afsichten sünd un sütt för sik bloots een Utweg, üm de Minschheit för en gröttere Katastrooph to bewohren. Se lett sik sülvst in dat fletige Blie fallen. Wiel se fallt, slippt de Königin, man Ripley kann ehr noch gripen un tütt ehr mit in dat Blie und bringt ehr dormit üm.

Kritik[ännern | Bornkood ännern]

Lexikon vun’n internatschonalen Film: In spärlicher Endzeit-Kulisse spielende Weiterführung der ‚Alien‘-Reihe […], der sich häufig in religiös-verbrämter Metaphorik verliert; fesselnd durch die Hauptdarstellerin, die die quälend-schicksalhafte Verbindung mit einem Monster eindrucksvoll vermittelt. In düsteren Kulissen stellt der Film die Frage nach den Überlebenschancen des Menschen.

Utteken[ännern | Bornkood ännern]

De Film weer för tohopen twintig Filmpriesen vörslahn, dorünner ok för den Oscar in de Kategorie Best Trickeffekt. Wunnen hett he opletzt aver blots dree vun de Priesen:

  • 1993: den Golden Reel Award in de Kategorie Best Toonsnitt
  • 2003: den DVDX Award in de Kategorie Best Samt-DVD – Klassisch Film för The Alien Quadrology
  • 2003: den Sierra Award in de Kategorie Beste DVD för The Alien Quadrology

Achtergrund[ännern | Bornkood ännern]

  • De Speelbaas David Fincher schall mit vele Aspekten vun de Produkschoon un sünners mit de Tosamenarbeit mit dat Studio 20th Century Fox nich tofreden wesen hebben. As eenzige Speelbaas is he nich bi dat Bonus-Material vun de Quadrology-Edition dorbi. Dat warrt seggt, dat dat eenzige Making Of, bi dat Fincher dorbi wesen is, streken worrn is, vun wegen dat Fincher

dorin Kritik an de Produzenten öövt hebben schall.

  • In de eersten Faten vun’t Dreihbook schüll de Deern Newt överleven, aber man weer de Ansicht, dat en Kind nich in de düstere Ümgeven vun den Film rinpassen de.
  • In de Crossover-Filmen warrt de Konzernen Weyland(Alien vs. Predator) un Yutani (Aliens vs. Predator: Requiem) inföhrt, de bit to den Film Alien to den Konzern Weyland-Yutani fusioneert. In Alien vs. Predator speelt Lance Henriksen, de in de Alien-Reeg as Android Bishop to sehn weer, den Firmengrünner Charles Bishop Weyland. Man kann dorut spekuleeren, dat Weyland de Anorden geven hett, den Androiden na sien egen Evenbild to tügen un to nöömen.

DVD Special Edition[ännern | Bornkood ännern]

De 9-DVD-Edition „The Alien Quadrilogy“ bargt en längere 139-Minuuten-Faten vun den Film, in de ünner annern dat Alien nich ut den Hund man ut’n Ossen slippt. Dorüm warrt dat Alien in den Film ok nich Hunnen-Alien, man Koh-Alien nöömt.

In de Special Edition künnt de Straaffangenen dat Alien in en afriegelten Schaadstofflager infangen. Dorna warrt dat aver vun en schizophrenen Fangen wedder freesett, de den „Draken“ as sien Verbünnten ansütt.

Ok de afsluten Sprung vun Ripley in dat kakende Bliebad is in en oorsprünglichere Version in den Film. Hier starvt se in „Freed“, ahn dat de Alien-Königin in letzte Sekunn ut ehr rutbrickt.

Videospeel[ännern | Bornkood ännern]

To den Film is vun Acclaim un Virgin Interactive en offiziell Videospeel för en Reeg vun verschedene Systemen rutbröcht worrn, as ünner annern för Sega Mega Drive, Super NES, Game Boy, Amiga, C64, NES un Sega Master System.

Dorbi hannelt sik dat üm en 2D-Plattform-Speel, in den Ripley anners as in’n Film mit Wapen as t B. en Flammsmieter gegen de Aliens anpedden deit. De Mega-Drive-Faten hett in’n Ünnerscheed to de SNES-Faten en Tietlimit un dormit en grötteren Anspröök.

Literatur[ännern | Bornkood ännern]

  • Alan D. Foster: Alien. Das unheimliche Wesen aus einer fremden Welt / Die Rückkehr / Alien III. Die drei Alien - Romane in einem Band. - Offizielle Romanen to’n Film
  • Gangkofer, Ludwig / Mahmoud, Mona / Zauner, Kathrin: "Alien Eine Kultfilmreihe" Fachverlag för Filmliteratur, Landshut 2007, ISBN 978-3-9809390-4-1

Weblenken[ännern | Bornkood ännern]