Alfred Sisley

Vun Wikipedia
Wesseln na: Navigatschoon, Söök
Alfred Sisley

Alfred Arthur Sisley (* 30. Oktober 1839 in Paris; † 29. Januar 1899 in Moret-sur-Loing) weer en Maler vun den Impressionismus.

Leven[ännern | Bornkood ännern]

Sisley keem in Frankriek as Söhn vun engelsch Kooplüüd up de Welt. Sien Vader hett en Vermögen in' Hannel mit Süüdamerika maakt. Nah de School wurr Alfred 1857 nah London schickt, um dor ok den Koopmannsberop to leern. He wull aber lever Künstler wurrn, gung dorüm 1862 nah Paris torüch un is in dat Atelier vun den Maler Charles Gleyre intreden, wor he Pierre-Auguste Renoir un Claude Monet kennenlernt hett. Sien ganz Leven bleev he mit de beid good Früend.

In' Juni 1866 fung he en Beziehung mit Marie[1] Lescouezec, ok ünner de Naam Eugénie[2] Lescouezec bekannt, an. Ut dit Verhältnis gungen twee Kinner hervör; 1897 hebbt se denn heiraadt. En innig Dorstellen vun en Paar, dat Renoir um 1868 malt hett, wurrd faken as Porträt vun de beid ansehn, disse Tosommenhang is aber nich sekert. Dat Bild kann in dat Wallraf-Richartz-Museum in Köln ankeeken wurrn.[1]

Sisley sien eerst künstlerisch Vörbiller weern de angelsch Landschapsmaler vun dat fröh 19. Jorhunnert, as William Turner, John Constable un Richard Parkes Bonington, deren Biller he in London kennenlernt hett, un later de franzöösch Maler Jean-Baptiste Camille Corot un Gustave Courbet. In' Pariser Salon van 1867 stell he eerstmals en eegen Gemälde ut, hett sück aber af etwa 1870 tonehmend den Impressionisten un ehrn Malstil towendt.

Ansicht vun den Kanal Saint-Martin, 1870
De Seine bi Bougival, 1876

In' Düütsch-Franzööschen Krieg van 1870/1871 verlor de Familie Sisley hör Vermögen, dat bit dorhen ok to Ünnerstütten vun Alfred deent harr. Sisley bleev van dor an bit to sien Dood middelloos, ok wenn he eenig Biller verkoopen kunn, ünner annern an Édouard Manet un an den Singer Jean-Baptiste Faure. Dissen Umstand un de Ünnerstütten dör den Kunsthändler Paul Durand-Ruel un den Kritiker Théodore Duret hett Sisley dat to verdanken harrt, dat he sien Familie un sück finanziell över Water hollen un sück tomindst Malutensilien un Farven koopen kunn.

1874 bedeelig he sück mit fiev Landschapsbiller an de Eerst Impressionisten-Utstellen. 1879, vun finanzieller Not dreven, hett he dat nochmal mit den Salon versöcht, wat aber ahn Spood bleev: Sien vörsehn Bild wurr vun de Jury afwiest. 1882 hett he sück to'n letzten Mal, mit 27 Biller, an en Gruppenutstellen vun de Impressionisten bedeeligt.

Sisley gull – in' Gegensatz to anner Impressionisten – as schüchtern, Vincent van Gogh hett hüm in en Breef an sien Bröer den schüchternsten und sanftesten der Impressionisten nömmt. To Leevtieden kreeg he nie de künstlerische Beachtung, de he verdeent harr.

Siet 1895 hett he, as later faststellt wurr, an Kehlkopfkrebs leeden, an de he toletzt in dat Johr 1899 storven is. Sowohl Renoir as ok Monet keemen to sien Begräbnis. Camille Pissarro schreev kört vör sien Dood över hüm: „Er ist ein großer und herrlicher Künstler. Meiner Meinung nach kommt er den bedeutendsten Meistern gleich.“[3]

To sien Wark[ännern | Bornkood ännern]

Berühmt sünd vör allen de Schilderungen vun Sisley vun de Seine un hör Brüggen in de dormalig Pariser Vörstäder. In' Gegensatz to Renoir un Monet, de faken de glieker Motive malt hemm as Sisley, sünd Landschapen un Oörd bi hüm in Momenten vun de Ruh dorstellt. "Die Landschaft scheint ob ihrer eigenen Schönheit völlig in Trance verfallen zu sein, nur der Himmel und das Wasser sind in Bewegung" [4]. Seine Bilder sind „... bemerkenswert wegen der herrlichen Farbtöne von Grün, Rosa, Violett, Taubenblau und Creme“ [5]. In de Loop vun de Johren sünd Kraft, Utdruck un Farvintensität bi de Biller vun Sisley starker wurrn. Bit to sien Dood bleev Sisley den impressionistischen Stil in sien eegen, kraftvull Malwies trüe.

Warken (Utwahl)[ännern | Bornkood ännern]

Bild Titel Entstahn Grött, Material Utstellung/Sammlung/Besitt
Alfred Sisley 036.jpg Kastanienallee in de Celle-Saint-Claude 1865 125 × 205 cm, Ööl up Lienwand Musée du Petit Palais in Paris
Alfred Sisley - Street of Marlotte aka Women Going to the Woods.jpg Straat vun Marlotte 1866 65 × 92 cm, Ööl up Lienwand Bridgestone Museum of Art in Tokyo
Alfred Sisley 026.jpg Eerst Schnee in Louveciennes 1870 54 × 73 cm, Ööl up Lienwand Museum of Fine Arts in Boston
Sisley-Bridge at Villeneuve-la-Garenne.jpg Brügg bi Villeneuve-la-Garenne 1872  ??, Ööl up Lienwand Metropolitan Museum of Art in New York
Alfred Sisley 023.jpg Dörp an dat Ufer vun de Seine 1872 59,2 x 80 cm, Ööl up Lienwand Eremitage in Sankt Petersburg
Alfred Sisley 043.jpg Maschinenhuus vun de Pump in Marly 1873 46 × 65 cm, Ööl up Lienwand Ny Carlsberg Glyptotek in Kopenhagen
Alfred Sisley The Road to Hampton Court 1874 Neue Pinakothek Munich München.JPG De Weg nah Hampton Court 1874 Ööl up Lienwand Neue Pinakothek in München
Alfred Sisley 009.jpg Brügg vun Hampton Court 1874 46 × 61 cm, Ööl up Lienwand Wallraf-Richartz-Museum in Köln
Alfred Sisley 066.jpg Ünner de Brügg vun Hampton Court 1874 50 × 76 cm, Ööl up Lienwand Kunstmuseum in Winterthur
Alfred Sisley 062.jpg Överswemmen in Port-Maly 1876 60 × 80 cm, Ööl up Lienwand Musée des Beaux-Arts in Rouen
Alfred Sisley 065.jpg Ufer vun de Seine in' Harvst 1879 46 x 65 cm, Ööl up Lienwand Städelsches Kunstinstitut in Frankfort an' Main
Alfred Sisley 057.jpg Stilleven, Druuben un Nööten um 1880 38 × 55,5 cm, Ööl up Lienwand Museum of Fine Arts in Boston
Alfred Sisley 032.jpg Hüüs an dat Ufer vun de Loing 1889 33 × 41 cm, Ööl up Lienwand Privatsammlung
Alfred Sisley 064.jpg Ufer vun de Loing bi Moret 1892 73 × 92 cm, Ööl up Lienwand Privatsammlung
Alfred Sisley 042.jpg Loing-Kanal 1892 60 × 74 cm, Ööl up Lienwand Musée d’Orsay in Paris
Alfred Sisley 038.jpg Kark vun Moret 1893 65 × 81 cm, Ööl up Lienwand Musée des Beaux-Arts in Rouen
Alfred Sisley 020.jpg De Strohmieten 1895 60 × 73 cm, Ööl up Lienwand Sammlung Acquavella Galleries in Hamborg

Literatur[ännern | Bornkood ännern]

  • Die großen Impressionisten. Revolution in der Malerei, hrsg. v. Bruce Bernard. München: Delphin 1987. ISBN 3-7735-5323-4
  • Raymond Cogniat: Sisley. München: Südwest-Verlag 1982. ISBN 3-517-00759-5
  • Vivienne Couldrey: Alfred Sisley. The English Impressionist. Newton Abbot, Devon: David u. Charles 1992. ISBN 0-7153-9920-9
  • François Daulte: Alfred Sisley. München: Schuler 1975. ISBN 3-7796-5051-7
  • François Daulte: Sisley - les saisons. Paris u.a.: Bibliothèque des Arts 1992. ISBN 2-85047-184-4
  • Jean Leymarie u. Michel Melot: Französische Impressionisten. Das graphische Werk von Manet, Pissarro, Renoir, Cézanne, Sisley. München: Hirmer 1972. ISBN 3-7774-2490-0
  • Richard Shone: Sisley. London: Phaidon Press 1999. ISBN 0-7148-3892-6
  • Carola Lepping: Huldigung an Sisley. Norderstedt: Books on Demand GmbH. ISBN 3-8334-1878-8

Enkeld Nahwiesen[ännern | Bornkood ännern]

  1. 1,0 1,1 Wallraf-Richartz-Museum & Fondation Corboud|, Auguste Renoir: Das Paar (Les fiancés), online ünner http://www.wallraf.museum/index.php?id=227, Togreep an' 21. Juni 2013
  2. Beate Eickhoff, Alfred Sisley kommt!, Musenblätter, online ünner http://musenblaetter.de/artikel.php?aid=9082&suche=Sisley, Togreep 21. Juni 2013
  3. Bruce Bernard, Die großen Impressionisten, S. 94
  4. ebenda, S. 91
  5. ebenda

Weblenken[ännern | Bornkood ännern]

Commons-logo.svg Alfred Sisley. Mehr Biller, Videos oder Audiodateien to’t Thema gifft dat bi Wikimedia Commons.