Alexis Contin

Vun Wikipedia
Wesseln na: Navigatschoon, Söök

Alexis Contin (* 19. Oktober 1986 in Saint-Malo in dat Département Ille-et-Vilaine) is en franzöösch Iesflinklöper un Inline-Speedskater.

Iesflinkloop[ännern | Bornkood ännern]

In' Iesflinkloop hett sück Contin up den Mehrkamp un de Langstrecken spezialiseert.

Sien Weltcupdebüt fier he in' Dezember 2005. Bi de Iesflinloop-Europameesterschapen 2007 in dat italieensche Ritten keem he up den 17. Platz.

Sien bitlang gröttste Erfolg fier Contin bi de Olympisch Spelen 2010 in Vancouver, bi de he över de 10000 m up Platz 4 un över 5000 m up Rang 6 keem.

Bi de Iesflinkloop-Eenzelstreckenweltmeesterschapen 2011 in Inzell belegg he överraschend över 5000 m den 4. Platz. 2012 in Heerenveen kunn he över de glieker Distanz den fievten Platz recken.

Sien bither best Ergevnis in' Mehrkamp reck he 2012 bi de EM in Budapest. In' Grooten-Veerkampf keem he up den 5. Platz.

Inline-Speedskating[ännern | Bornkood ännern]

Sien eersten Erfolge harr he bi de Inline-Speedskating-Junioren-Weltmeesterschapen 2003. Up de Bahn wunn he Gold in de 10.000 m Punkte-Utscheeden, up de Straat hett he dorbi de Sülvermedaille över 5000 m, 20.000 m un in' Marathon wunnen.

Bi de Inline-Speedskating-Europameesterschapen 2004 up de Bahn wunn he in de Eenzelwettebewarfen en kumpletten Medaillensatz. Dorbi wunn he in dat Utscheedensrennen över 15.000 m, de Sülvermedaille över 5000 m un Bronze in de 1000 m Sprintentscheeden. Dorto keem noch de Goldmedaille mit de Staffel över 5000 m. In dat sülvig Johr wunn he ok sien eerste Medaillen bi de Inline-Speedskating-Weltmeesterschapen. Up de Bahn wunn he in de Staffel de Sülvermedaille un up de Straat weer he över de Marathondistanz up Platz 1. Bi de World Games 2005 wunn he Gold över 5000 m un Sülver över 3000 m. De EM 2005 verleep mit insgesamt veer Gold- un en Sülvermedaille bannig spoodriek. Bi de dorupfolgen WM wunn he den Titel up de Bahn över 15.000 m.

Denn muss he aber bit 2008 wachten, bevör he weer wat recken dee. Bi de Europameesterschapen 2008 weer he mit dree Titeln wedder de spoodriekst Deelnehmer. Bi de Weltmeesterschap in dat sülvig Johr den Titel in dat 15.000 m Utscheedensrennen. Dorbi stell he in 23:02,778 min en neen Weltrekord up, de eerst 2011 vun Peter Michael ut Neeseeland ünnerboden wurr.

2009 wunn he den Berliner Halbmarathon in dormalig Streckenrekordtiet un de Gesamtwertung vun den German-Inline-Cup. Bi de World Games 2009 schaff he en Sülvermedaille in' 1000 m Sprint un bi de Europameesterschapen 2009 Sülver in de Staffel un Bronze över 15.000 m.

2012 hett he bi de Weltmeesterschapen eenmal Sülver (in' 10.000 m Punkterennen) un tweemal Bronze (över 1000 m un 20.000 m Utscheeden) wunnen.

Weblenken[ännern | Bornkood ännern]