Alexandre Deschapelles
Alexandre Louis Honoré Lebreton Deschapelles (* 7. März 1780 in Ville d'Avray; † 27. Oktober 1847 in Paris) weer de eersten franzöösch Schachmeester, de an de Leistungen vun François-André Danican Philidor anknütten kunn.
Deschapelles weer de adelige Söhn vun en Marschall. He hett de berühmt Kadettenanstalt vun Brienne besöcht, wo ok all de jung Napoleon Bonaparte Deenst makt harr. Upgrund vun de revolutschonären Umwälzungen wurr de School aber dicht makt un de Schölers entlaaten. Wiels sien Verwandten in de Emigratschoon gungen, hett sück Deschappelles de Revolutschoonsarmee anslooten. Aber all 1794 wurr de veerteihnjohrig Suldat vun de Sambre-Maas-Armee in de Slacht bi Fleurus swoor besehrt. He verlor sien rechte Hand un dordör wurr dat nix mit de groot Karriere; in‘ Militärdeenst kunn he blots noch för de Logistik bruukt wurrn. Nah eenig Berichten keem he aber an dat Enn‘ vun sien Loopbahn noch för en körten Tiet in den Generalsrang.
Nahdem Napoleon störrt wurrn weer, gung Deschapelles 1815 in den Ruhestand un fung an Schach to spelen, dat he nah eegen Utsaag binnerhalv vun blots veer Daag lernt harr.
Bald weer Alexandre Deschapelles een vun de starkste Spelers in dat Pariser „Café de la Régence“. As hoochmütig un stolt beschreven, wuss he aber, dat he all Spelers dor överleegen weer. He is dorför bekannt, dat he sück ganz up Vörgaavpartien mit sien Gegners beschränkt hett, nah verloren Spelen hett he Vörgaav un Insatz erhöht, worup sück sien Gegners aber nich immer inlaaten hemm. Sien wohrhaftig Speelstärke kann man blots swoor inschätzen. Deschapelles weer kien Theoretiker. He hett kien Schachböker leest un in‘ Gegensatz to Philidor oder Saint-Amant ok nie en Book schreven. Sien Anspeelkenntnisse weern nich besünners good, so dat he faken all bi de eersten Tüüg lang denken muss un he faken schlechter stunn.
1832 wurr he verhaft, wiel man hüm verdächtigen dee, in en Komplott tegen König Louis-Philippe verwickelt to ween.
1842 wunn he en Wettkamp tegen Pierre Saint Amant mit 3:2. As Deschapelles gegen sien Schöler Louis-Charles Mahé de La Bourdonnais nich mehr winnen kunn, hett he sück vun dat Schach torüchtrucken un wurr en spoodriek Aaft- un Gemüüsbuer.
Literatur[ännern | Bornkood ännern]
- Paul Metzner: Crescendo of the Virtuoso, 1998 (engelsch)
- George Walker: Deschapelles. The Chess-King (Kapitel aus ders.: From Chess & Chess-Players, 1850) (engelsch)
- Pierre Saint Amant: Deschapelles, in: Le Palamède, 1847, S. 500–515 (franzöösch)