Aha (Pharao)

Vun Wikipedia

Aha, ok Hor-aha, is de eerste König ut dat 1. Königshuus in dat Ole Ägypten. Regeert hett he um 3000 v. Chr. rüm. He folg up Narmer. Hen un wenn warrt de Saak so ankeken, as wenn sik dat bi em um Menes hanneln dö, so, as dat later in Ägypten upschreven wurrn is. Man Menes is en Gestalt ut de Mythologie. Em hett dat in de Geschicht vun Ägypten nich würklich geven. Vun Aha sünd en Reeg vun Saken bekannt, vunwegen dat se up lüttje Tafels upschreven wurrn sünd. So schall he Nubien „slahn“ hebben un de Borg Har-pecher-ihu grünnt hebben. Ok is to sehn, datt dat dormols Butenhannel, Stüern un den Anfang vun en Verwaltung geven hett. Dat sütt so ut, as wenn he, as de düütschen Königen ut dat Middelöller, dwars dör dat Land reist weer un vun Palz to Palz trocken is.

Siene Fro weer Neithotep (Hetepui-Neith). Man he hett ok noch en Bifro harrt. Mit de hett he sien Nafolger Djer tüügt. Annere Söhns vun em weern Rechit, Het un Saiset. Denn keem dor noch en Kind mit Naam Imaib to. Twee grote Graffhüser in Ombos/Nequade un Saqqara hefft wat mit Aha to kriegen.

Born[ännern | Bornkood ännern]