Adrianus Schenk
Adrianus "Ard" Schenk (* 16. September 1944 in Anna Paulowna, Provinz Nord-Holland/Nedderlannen) is en ehmalger nedderlännsch Iesflinklöper.
Werdegang[ännern | Bornkood ännern]
Tüschen Enn’ vun de 1960er un Anfang vun de 1970er Johren weer Schenk en vun de domineerend Iesflinklöper un wuur mehrfak Welt- un Europameester in’ Veerkamp (500 m, 1.500 m, 5.000 m, 10.000 m).
1972 wunn he bi de Olympisch Winterspelen 1972 in Sapporo dree vun veer mögelk Goldmedaillen. Blots över 500 m kreeg he kein Medaille, wiel he kört nah de Start störten de. Disse rekord wurr bi de Winterspelen 1980 dör den US-amerikaansch Iesflinklöper Eric Heiden mit fiev Goldmedaillen överboden.
Schenk, de dreemal an Olympisch Spelen deelnommen hett, stell in sien aktiv Loopbahn 18 Weltrekorde up. He leep as eerst Iesflinklöper de 10.000 m ünner 15 Minüten un de 1.500 m in weniger as 2 Minüten.
In’ Ansluss an de olympisch Winterspelen 1972 wurr Schnek Profi. Nahderhenn weer he noch Liddmaat vun dat technisch Komitee in de Sparte Iesflinkloop bi de Internatschonale Eislaufunion.
Spood[ännern | Bornkood ännern]
- 1964 Deelnahmen an de Olympisch Winterspelen
- 1965 WM-Drüdde
- 1966 Europameester, Viez-Weltmeester
- 1967 Viez-Weltmeester
- 1968 Olympisch Sülvermedaille (1.500 m), WM-Drüdde
- 1970 Weltmeester, Europameester
- 1971 Weltmeester, WM-Drüdde
- 1972 Weltmeester, WM-Drüdde, Europameester, dree olympisch Goldmedaillen (1.500 m, 5.000 m, 10.000 m)
Ehrungen[ännern | Bornkood ännern]
- Veerfach Sportler vun dat Johr in de Nedderlannen (1966, 1970, 1971, 1972)
- Dreemalig Gewinner vun de Oscar-Mathisen-Trophäe (1970-72)