Ackerwagen

Vun Wikipedia
Wesseln na: Navigatschoon, Söök
Lüüd bi’t Hau mit’n Ackerwagen (üm 1942)

De Ackerwagen, Ledderwagen oder Oornwagen weer fröher de Wagen, mit den se op’t Feld föhrt sünd un to’n Bispeel dat Hau inhaalt hebbt. Bruukt worrn is he, bet de Treckers opkamen sünd, de denn extra Anhängers hatt hebbt. Dat güng na’n Krieg los un mit de Johren 1970 weren de Ackerwagens denn al temlich roor worrn in de Bueree.

De Ackerwagen warrt mit Peer oder mit Ossen tagen. Boot weer he ut Holt. An de Sieden harr he Rungen, dortwischen weren de Leddern, wat de Siedenwannen vun’n Wagen weren. För de Leddern kunn een ok Flechten insetten, de dicht weren.