Achem-Veerner Geest
De Achem-Veerner Geest is en Geestrebeed in de Midd/in’n Noordoosten von Neddersassen un höört to de Stoder Geest. Nöömt is se na de Städer Achem un Veern. Na dat Handbuch der naturräumlichen Gliederung Deutschlands is dat en Naturruum mit en Grött von 516 km².
Geografie[ännern | Bornkood ännern]
De Achem-Veerner Geest liggt an dat rechte Över von de Werser in’n Süüdwesten von dat Elv-Werser-Dreeeck. Dat sünd to’n groten Deel de Landkreis Veern un de Süden von’n Landkreis Rodenborg. In’n Noorden grenzt de Achem-Veerner Geest an dat Wümm-Daal un in’n Oosten an de Lümbörger Heid.[1] Dat Rebeed von Bremen in’n Westen warrt to de Eems- un Wersermaschen tellt, dat Rebeed in’n Süden güntsied de Werser to dat Werser-Aller-Flachland.
De Achem-Veerner Geest warrt ünner annern wieder indeelt in de Linnelner Geest in’n Oosten, de den Övergang na de Lümbörger Heid billt, un de Veerner Dünen, de in’n Süden liggen doot. Op de Dünen langs de Werser liggt en oold Siedlungszentrum, dor reegt sik een Oord an’n annern. Dat Holbmer Moor hett sik billt, nadem Water in dat Zechstein-Solt in’n Ünnergrund insickert is un dat Solt oplööst hett. De Eer is nasackt un hett en Lunk billt.
De höögste Punkt is mit 74 Meter över NN de Steenbarg bi Holbm.
Dat Rebeed is präägt von Moränen ut de Iestieden. Dat Rebeed is to’n groten Deel Geest, Heid un Moor. De Westen in dat Bremer Ümland is stärker urban präägt, na Oosten hen jümmer mehr ländlich.
Öörd[ännern | Bornkood ännern]
Footnoten[ännern | Bornkood ännern]
- ↑ Bundesamt för Naturschuul afropen an’n 20. Oktober 2014