Abodriten

Vun Wikipedia
Wesseln na: Navigatschoon, Söök
Den Stamm vun de Abodriten siene Länner um dat Johr 1000 rüm.

De Abodriten (ok Abotriten, Obotriten/Obodriten, Bodrizen) sünd in dat Middelöller en Stamm vun de Elvslawen (en Unnergrupp vun de Westslawen) ween. Leevt hefft se in de Gemarken vun dat hüdige Meckelnborg un Holsteen. De Borg un Stadt Liubice (later denn Lübeck nömmt) is en tiedlang Sitt vun de Abodritenherrschers ween. De stammen tomeist ut dat Huus vun de Nakoniden. De Naam Abodriten bedutt so veel as Den Abodr siene Nakamen[1]

De Abodriten weern vun jeher Fienden vun de Wilzen, wat ok en slaawschen Stamm ween is. Düsse Striet harr woll wat mit Rangeleen över Land to kriegen. In den Striet twuschen Karl den Groten un de upsternaatschen Sassen hefft de Abodriten sik up Karl den Groten siene Sieten slahn.

Ut de Abodriten ehr Volk is dat Huus vun de Obodriten upkamen. Düt Huus hett bit 1918 in Meckelnborg regeert.

Belegen[ännern | Bornkood ännern]

  1. Paul Kühnel:Die slavischen Ortsnamen in Meklenburg in Verein für Mecklenburgische Geschichte und Altertumskunde: Jahrbücher des Vereins für Mecklenburgische Geschichte und Altertumskunde. - Band 46 (1881), S. 3-168