26P/Grigg-Skjellerup

Vun Wikipedia
Wesseln na: Navigatschoon, Söök
26P/Grigg-Skjellerup
Grigg-Skjellerup Eso9209a.jpg
Egenschoppen vun’n Orbit
(Simulatschoon)
Orbitklass kortperioodsch
Perihel — Aphel 1,086 — 4,949 AE
Bahnexzentrizität 0,640
Bahnnegen gegen de Ekliptik 22,424 °
Ümlooptiet 5,24 a
middlere Bahnsnelligkeit 38,48 km/s
Physikaalsch Egenschoppen
Dörmeter 2,6 km
Periheldörgang 6. Juli 2013
Historie
opdeckt vun John Grigg
John Francis Skjellerup
an’n 23. Juli 1902
in Neeseeland

26P/Grigg-Skjellerup is en kortperioodschen Komet, de eerstmols an’n 23. Juli 1902 vun den neeseelännschen Schoolmeester John Grigg opdeckt worrn is. De Komet weer twüschendör verloren gahn, is denn aver in’n Mai 1922 vun den austraalschen Telegrafentechniker John Francis Skjellerup in Süüdafrika nee opdeckt worrn. De Komet driggt dorüm de Naams vun beide Beobachters.

In’t Johr 1992 weer de Komet as tweet Teel vun de Ruumsond Giotto anstüert, de em dormols in en Afstand vun blots 200 km passeert hett. Liekers sünd dorbi keen Biller vun den Komet tostannen kamen, vun wegen dat de Sond bi ehr Hööftopgaav – de Ünnersöken vun den Komet Halley – to veel Schaden afkregen harr.

Grigg-SKjellerup is de Born vun de Pi-Puppiden. Dat is Meteorstroom, de op de süüdlichen Halfkugel vun de Eer so üm den 23. April rüm to sehn is. Stoffpartikels vun dissen Meteorstroom sünd in’t Johr 2003 op de Eer opfungen worrn. Bi de Analyys weer en nee Mineral opdeckt, dat to Ehren vun den Astronom un Planetenforscher Donald E. Brownlee den Naam Brownleeit kregen hett.

Kiek ok[ännern | Bornkood ännern]

Weblenken[ännern | Bornkood ännern]