Ünnerkeven (Insekten)

Vun Wikipedia
Wesseln na: Navigatschoon, Söök
Insekten-Ünnerkeven (up Engelsch:Mandible)

De Ünnerkeven bi de Insekten un annere Krabbeldeerter heet in de Fachspraak Mandibeln. Dat sünd de Mundwarktüüch bi al Mandibeldeerter, de to de Liddfööt tohöört. Na dat wetenschoppliche "Mandibulata-Konzept" weert dor de Kreeften un de Tracheendeerter to tellt. To de Tracheendeerter höört nu wedder de Sessfööt (un dormit al Insekten) un de Dusendfööt. Ümstreden is avers, ob de Entwicklung vun de sünnerlichen Mandibel-Ünnerkeven bi de Kreeften un de Tracheendeerter överhaupt övereen lopen is.

Düsse Ünnerkeven sünd ümwannelt wurrn vun dat drüdde Beenpaar, wat dat fröher mol bi düsse Deerter an'n Kopp geven hett. In'n Groten un Ganzen besteiht en Ünnerkeev ut en dannige Kaulaad. Bi de Spinnen sünd dat de Peripalpen.

Mit de Ünnerkeven weert Planten un Deerter tweibeten un tweikaut. Bavenhen könnt dor allerhand Saken mit anpackt un hen- un hersleppt weern. Bi Rövers warrt de Büüt mit de Ünnerkeven fungen.

Bi allerhand Insekten un Kreeften sünd de Ünnerkeven ümformt in verscheden annere Mundwarktüüch, as Suugrüssel bi de Wandlüse oder Bottervagels.