Övervieland

Vun Wikipedia
Stadtdeel vun Bremen
Övervieland
Wat to seggen is  Rang 
Flach: 13,765 km² 10/23
Inwahners: 35.616 5/23
Inwahnerdicht: 2587 Inwohners/km² 11/23
Andeel Butenlänners: 11,1 % 14/23
Arbeitslosenquoot: 17,3 % 14/23
Wannehr: 30. Juni 2006
Ortsdelen: Habenhusen
Kattenesch
Kattentoorn
Oorssen
Website: Oortsamt Övervieland
E-Mail-Adresse: office@oaobervieland.bremen.de

Övervieland is en vun de 19 Stadtdelen vun Bremen. He liggt in dat Vieland. Düsse ole plattdüütsche Naam bedutt so veel, as Sietland oder Brookland. In'n Dörsnitt liggt dat bloß 0,7 - 1,8 m över NN. Dor is dat ok um wichtig, dat Dieken dat siede Land schützt. Jummers wedder hett dat grote Floten geven, tolest noch 1981, as de Werser sik vor dat Wehr staut hett un övern Habenhuser Summerdiek dörbraken is.

Historie[ännern | Bornkood ännern]

In dat 16. Johrhunnert weer dat Bremer Landgebiet in Gohen indeelt. Bi de Indelen vun 1598 weer Övervieland en vun de Gohen vun dat Bremer Landgebiet. Dormols höör ok Huchten to den Goh Övervieland. Eerst 1962 is ut Övervieland denn en Stadtdeel vun maakt wurrn. Dor hefft de Bremers de veer Dörper Oorssen, Habenhusen, Kattentoorn un Kattenesch üm tohopensmeten. De nee Stadtdeel hett denn den Naam vun den olen Goh kregen. As Stadtdeel is Övervieland eendüdig en Kunstprodukt. De Inwahners föhlt sik as Oorsser, Habenhuser etc., man nich as Vielänner. Bavenhen is de Soziolstruktur in de verschedenen Oortsdelen bannig ünnerscheedlich.

Weblinks[ännern | Bornkood ännern]