Öbergünn

Vun Wikipedia
Wapen/Flagg Koort

Wapen vun Öbergünn

Öbergünn
Laag vun Öbergünn in Düütschland
Basisdaten
Bundsland: Neddersassen
Landkreis: Stood
Gemeen: Buxthu
Inwahners:
Postleettall: 21614
Vörwahl: 04161, 04168
Geograafsche Laag:
Koordinaten:53° 27′ N, 9° 45′ O
53° 27′ N, 9° 45′ O

Karte

Öbergünn (hoochdüütsch Ovelgönne) is en Dörp in de Gemeen Buxthu in’n Landkreis Stood, Neddersassen. Binnen de Gemeen höört de Oort to de polietsche Oortschop Öbergünn/Ketzendörp.

Geografie[ännern | Bornkood ännern]

De Naveröörd sünd Vosshusen in’n Noordoosten, Wulmsdörp un Doasdörp in’n Süüdoosten, Ketzendörp in’n Süden, Imbeek in’n Süüdwesten un Eindörpermoor un Oostmoor in’n Noordwesten.

Historie[ännern | Bornkood ännern]

De Rundstück vun Öbergünn
Watermöhl vun Öbergünn

Öbergünn kummt 1566 toeerst in de Oorkunnen vör. Dat weer en lüttje Moordsiedlung, de sik ganz bilütten utwickelt hett.

In’n Eersten Weltkrieg sünd ölven Soldaten ut Öbergünn fullen oder vermisst un in’n Tweten 17[1].

Verwaltungsgeschicht[ännern | Bornkood ännern]

Öbergünn leeg vör 1859 in de Huusvaagdie Mesborg von dat Amt Mesborg, denn bet 1885 in’t Amt Töst un weer na 1885 Deel von’n Kreis Horborg un von 1932 af an Landkreis Horborg.

Öbergünn is an’n 1. Juli 1972 bi de Gemeenreform in Neddersassen mit de Gemeen Buxthu tohoopleggt worrn un dorbi von’n Landkreis Horborg to’n Landkreis Stood wesselt. Vondaag billt de Oort binnen de Gemeen Buxthu tohoop mit Ketzendörp de Oortschop Öbergünn/Ketzendörp mit egen Oortsvörsteiher.

Inwahnertall[ännern | Bornkood ännern]

Johr Inwahners
1824-00-001824[2] 10 Füürsteden
1848-00-001848[3] 146 Lüüd, 19 Hüüs
1871-12-011. Dezember 1871[4] 200 Lüüd, 27 Hüüs
1910-12-011. Dezember 1910[5] 251
1925-00-001925[6] 211
1933-00-001933[6] 219
1939-00-001939[6] 232

Religion[ännern | Bornkood ännern]

Öbergünn is evangeelsch-luthersch präägt un höört to dat Kaspel von de Nicolai-Kark in Ilsdörp.

För de Kathoolschen is de St.-Maria-Kark in Buxthu tostännig.

Wapen[ännern | Bornkood ännern]

Dat Wapen wiest baven op grönen Grund en sülvern Hack un ünnen op sülvern Grund en blau Watermöhlenrad.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht bi de Füürwehr.

Weertschop un Infrastruktur[ännern | Bornkood ännern]

De Freewillige Füürwehr is 1881 as Plichtfüürwehr grünnt worrn un warrt vondaag in’n Verband tohoop mit Ketzendörp bedreven.

Verkehr[ännern | Bornkood ännern]

tweesprakig Oortsschild

Dör Öbergünn loopt de Bundsstraat 73, de in’n Westen na Buxthu un in’n Oosten na Horborg geiht, un de Bundsstraat 3, de in’n Süden na Ilsdörp löppt.

2011 hett dat Dörp ne’e gele Oortsschiller kregen, op de nu ok de plattdüütsche Naam blangen den hoochdüütschen mit op steiht.

Scholen[ännern | Bornkood ännern]

Na Grundschool gaht de Kinner op de Grundschool Ooldklooster.

Ver- un Entsorgung[ännern | Bornkood ännern]

För dat Afwater is de Stadtentwässerung Buxthu tostännig.

Literatur[ännern | Bornkood ännern]

  • Artur Conrad Förste: Ursprung und Name des Dorfes Ovelgönne, Kreis Harburg. 1566-1966. 1966

Footnoten[ännern | Bornkood ännern]

  1. http://www.denkmalprojekt.org/dkm_deutschland/buxtehude-ovelgoenne_wk1u2_ns.htm
  2. C. H. Jansen: Statistisches Handbuch des Königreichs Hannover. 1824, Sied 460: http://books.google.de/books?id=tG0AAAAAcAAJ&pg=PA460
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 99: http://books.google.de/books?id=eOI-AAAAcAAJ&pg=PA99
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 130: https://books.google.de/books?id=qTZDAQAAMAAJ&pg=RA2-PA130
  5. http://www.gemeindeverzeichnis.de/gem1900/gem1900.htm?hannover/harburg.htm
  6. a b c http://www.verwaltungsgeschichte.de/harburg.html

Weblenken[ännern | Bornkood ännern]

Öbergünn. Mehr Biller, Videos oder Audiodateien to’t Thema gifft dat bi Wikimedia Commons.