Öölm
| Wapen/Flagg | Koort | |
|---|---|---|
 |
|
|
| Basisdaten | ||
| Flach: | 24,87 km² | |
| Inwahners: | 1.479 (31. Dezember 2009) | |
| Inwahnerdicht: | 59,5 Inwahners pro km² | |
| Postleettall: | 27432 | |
| Vörwahl: | 04761 | |
| Geograafsche Laag: | Koordinaten:53° 31′ N, 9° 12′ O53° 31′ N, 9° 12′ O |
|
Öölm (hoochdüütsch: Elm) is en Dörp bi de Oost, dat to de Stadt Bremervöör tohöört.
Inholtsverteken |
[ännern] Historie
Öölm kummt 1100 toeerst in ene Oorkunn vun Arzbischop Liemar vör. De Naam weer do Elma, wat sik ut Elm för Rüster un a för Beek tohoopsett.
[ännern] Wapen
Dat Wapen wiest dree gröne Bläder vun’n Rüster över en blau Beek op gollen Grund. Dat schall Symbol wesen för’n Naam vun dat Dörp.
[ännern] Religion
De Lüüd in Öölm sünd traditschonell evangeelsch-luthersch. Öölm hett vun öllers her to dat Kaspel Olendörp tohöört. Öölm weer aver temlich wied weg vun Olendörp (öölm Kilometer) un so hett de Karkengemeen Olendörp 1959/1960, nadem se in Öölm en ne’e School boot harrn, dat ole Schoolhuus köfft un dor en Kapell vun maakt. Siet 1. Januar 1992 is Öölm en egenstännige Karkengemeen, de na Paul Gerhard nöömt is. To de Gemeen höört Öölmerheid, Gröndörp, Schierel un en Deel vun Hogenmoor mit to.
För de Kathoolschen is de St.-Michaelskark in Bremervöör tostännig.
[ännern] Inwahnertall
| Johr | Inwahners |
|---|---|
| 1824[1] | 44 Füürsteden |
| 1848[2] | 698 Lüüd. 99 Hüüs |
| 1. Dezember 1910[3] | 872 |
| 1925[4] | 903 |
| 1933[4] | 903 |
| 1939[4] | 877 |
| 31. Dezember 2009[5] | 1.479 |
[ännern] Politik
Oortsbörgermeester is Erich Gajdzik.
[ännern] Kultur
[ännern] School
De ole School is 1872 boot worrn. 1959/1960 hebbt se wedder en ne’e School boot un vun de ole hebbt se en Kapell vun maakt. Op Grundschool köönt de Kinner in Öölm direkt gahn, för de annern Schoolformen mööt se na Bremervöör.
[ännern] Verenen
[ännern] Möhlenvereen
De Möhlenvereen hett sik 1981 grünnt, de ole Windmöhl vun Öölm to bewohren. De Galerie-Hollänner Henriette is 1773 in Hamborg boot worrn. 1871 müss de Windmöhl in Hamborg wieken, is utenanner boot worrn un in Öölm wedder nee opboot worrn. Later dreih se sik nich mehr un lööp nu mit en Gas- un toletzt mit en Dieselmotor. 1951 weer dat denn ganz ut mit de Mölleree. Aver 1981 hett sik de Besitter vun de Möhl mit anner Lüüd tohoopdaan un den Möhlenvereen grünnt, dat de Möhl wedder lopen kann.
[ännern] Schützenvereen
De Schützenvereen Öölm is 1925 grünnt worrn.
[ännern] Freewillige Füürwehr
De Füürwehr vun Öölm is 1907 grünnt worrn.
[ännern] MTV Öölm
De MTV Öölm is 1911 grünnt worrn un hett hüüt mehr as 600 Mitgleder. De anbadenen Sportoorden sünd Football, Kegeln, Lichtathletik, Tennis, Dischtennis, Turnen un Volleyball.
[ännern] Weertschop
[ännern] Verkehr
Öölm liggt an de Bundsstraat 74, de na Stood un na Bremervöör geiht. Na Noorden geiht vun de B 74 de Landsstraat 114 af, de över Beers na Esdörp geiht.
[ännern] Footnoten
- ↑ C. H. Jansen: Statistisches Handbuch des Königreichs Hannover. 1824, Sied 166: http://books.google.de/books?id=tG0AAAAAcAAJ&pg=PA166
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
- ↑ http://www.gemeindeverzeichnis.de/gem1900/gem1900.htm?hannover/bremervoerde.htm
- ↑ 4,0 4,1 4,2 http://www.verwaltungsgeschichte.de/bremervoerde.html
- ↑ http://www.bremervoerde.de/index.php?option=com content&view=article&id=50&Itemid=63
[ännern] Weblenken
- Websteed to dat Dörp (hoochdüütsch)
