Æthelwulf

Vun Wikipedia
Wesseln na: Navigatschoon, Söök
Ethelwulf

Æthelwulf (Ethelwulf) (* um 800 rüm; † 13. Januar 858) weer König vun dat angelsassische Königriek Wessex vun 839 bit 858.

Herkamen[ännern | Bornkood ännern]

He weer de Söhn vun König Egbert III. (de Grote) un siene Fro Redburga. De is woll en Swägerin vun Karl den Groten ween.

Leven[ännern | Bornkood ännern]

Æthelwulf is toeerst Mönk to Winchester ween. 839 folg he sien Vadder, de just storven weer, up'n Throon. In de Tied, as he regeern dö, sund jummers mehr Wikingers na England röverkamen un hefft sik dor an de Küsten ansiedelt. 851 hett he över de Dänen ehren Hööftling Rurik bi Ockley wunnen. Rurik is denn later Grootförst vun Kiew wurrn. Just as sien Vadder hett Æthelwulf sik in siene Kriegen dörsetten konnt. Den König vun Kent hett he verdreven un de Königrieken Sussex, Essex un East Anglia hett he an Wessex anslaten.

Ehe un Kinner[ännern | Bornkood ännern]

In dat Johr 830 hett he siene eerste Fro Osburga heiraat'. (* um 810; † 876), Se weer de Dochter vun Olslac un is boren üm 810 rüm un storven gegen 876. Na Asser is Olslac en „Gote“ ween (Gothus erat natione, man dat is an to nehmen, dat dor en Dään mit meent weer). Kinner vun düsse beiden weern:

  • Æthelstan (Ethelstan) († 851) Unnerkönig vun Kent un Wessex
  • Æthelswitha (Ethelswitha) († 888) ∞ 853 König Burgred vun Mercia († 880)
  • Æthelbald (Ethelbald) (* um 834 rüm, † 860) ∞ 858 Judith vun Franken (siene Steefmutter, de he avers gau verstoten hett)
  • Æthelbert (Ethelbert) (* um 835 rüm, † 866)
  • Æthelred I. (Ethelred) (* um 837 rüm, † 871 fullen) ∞ Wulfthryth
  • Alfred de Grote (* 849; † 899) ∞ Alswitha vun Gaini (* 852; † 905), vun 901 af an Nonne – na ehrn Dood verehrt as Hillge.

856 hett he Osburga verstoten un siene tweete Fro Judith vun Franken (* 844; † 870) nahmen. Se weer de Dochter vun den König vun de Westfranken ehren König Karl den Kahlen un den siene eerste Fro Irmentrud.

Kiek ok bi[ännern | Bornkood ännern]